|| ನವರಾತ್ರಿ ಹಾಡು ||
ನಾರೀಮಣಿಯರೆಲ್ಲ ಸಾರಸಗುಣಮಣಿಗೆ
ಆರೋಗಣೆಯ ಮಾಡಿ ಬನ್ನೀರೆ/
ಗಿರಿಜಾತೆ ಶಿವನರಸಿ ಶೈಲಪುತ್ರಿಗಿಂದು
ಮುದ್ಗಾನ್ನವ ನೀಡೋಣ ಬನ್ನೀರೆ //೧//
ಮೊಸರನ್ನ ತನ್ನಿರಿ ಬ್ರಹ್ಮಚಾರಿಣಿಗೀಗ
ಜ್ಞಾನವ ನೀಡೆಂದು ಬೇಡಿರೆ/
ಬೆಲ್ಲದ ಸವಿ ಪಾಯಸ ಮೆಲ್ಲಗೆ ತನ್ನೀರೆ
ಚಂದ್ರಘಂಟಾ ದೇವಿ ಗೆ ಬಡಿಸೀರೆ //೨//
ಒಪ್ಪದಲಿ ಮಾಡಿದ ತುಪ್ಪದನ್ನವ ತಂದು
ಕೂಷ್ಮಾಂಡಾದೇವಿಗೆ ನೀಡಿರೆ/
ಸ್ಕಂದಮಾತೆಗೀಗ ಅಂದದ ಪಾಯಸವ ತಂದು
ನೈವೇದ್ಯವ ಮಾಡೀರೆ //೩//
ಹಿಗ್ಗಿನಿಂದಲಿ ಮಾಡಿ ಹುಗ್ಗಿಯ ತನ್ನಿರೆ
ಕರುಣಾಳು ಕಾತ್ಕಾಯಿನಿಗೆ ನೀಡಿರೆ
ಎರಿಯಪ್ಪದ ಜೊತೆಗೆ ಎಲ್ಲಾ ಬಗೆಯನ್ನವ
ಕಾಲರಾತ್ರಿಯ ಕರೆದು ನೀಡೀರೆ //೪//
ತಾಯಿ ಮಹಗೌರಿಗೆ ಪ್ರಿಯವು ಗುಡಾನ್ನವು
ಜೊತೆಗೆ ಆಂಬೊಡೆಯನು ನೀಡೀರೆ
ಸರ್ವ ಸಿದ್ದಿಧಾತ್ರಿಗೆ ಶಾಲ್ಯಾನ್ನವ ನೀಡಿರೆ
ಸರ್ವ ವಿಘ್ನಗಳ ಕಳೆಯೆನ್ನಿರೆ //೫//
0 ಕಾಮೆಂಟ್‌ಗಳು