 |
| ganapathi bhajan lyrics, vandisuvudayali gananathana lyrics,purandara dasara devaranama lyrics |
|| ಗಣಪತಿ ಸ್ತುತಿ ||
ರಾಗ :- ನಾಟ ತಾಳ :- ಖಂಡಛಾಪು
ರಚನೆ :- ಪುರಂದರದಾಸರು
ವಂದಿಸುವುದಾದಿಯಲಿ ಗಣನಾಥನ || ಪ ||
ಸಂದೇಹ ಸಲ್ಲ ಶ್ರೀ ಹರಿಯಾಜ್ಞೆಯಿದಕುಂಟು || ಅ.ಪ. ||
ಹಿಂದೆ ರಾವನ ತಾನು ವಂದಿಸದೆ ಗಜಮುಖನ
ನಿಂದು ತಪವನು ಗೈದು ವರ ಪಡೆಯಲು
ಒಂದು ನಿಮಿಷದಿ ಬಂದು ವಿಘ್ನವನು ಆಚರಿಸಿ
ತಂದ ವರಗಳನೆಲ್ಲ ಧರೆಗೆ ಇಳಿಸಿದನು||1||
ಅಂದಿನಾ ಬಗೆಯರಿತು ಬಂದು ಹರಿ ಧರ್ಮಜಗೆ
ಮುಂದೆ ಗಣಪನ ಪೂಜಿಸೆಂದು ಪೇಳೆ
ಒಂದೇ ಮನದಲಿ ಬಂದು ಪೂಜಿಸಲು ಗಣನಾಥ
ಹೊಂದಿಸಿದೆ ನಿರ್ವಿಘ್ನದಿಂದ ರಾಜ್ಯವನು ||2||
ಇಂದು ಜಗವೆಲ್ಲ ಉಮೆ ನಂದನನ ಪೂಜಿಸಲು
ಚಂದದಿಂದಲಿ ಸಕಲ ಸಿದ್ಧಿಗಳನಿತ್ತು
ತಂದೆ ಶ್ರೀ ಪುರಂದರ ವಿಠ್ಠಲನ ಸೇವೆಯೊಳು
ಬಂದ ವಿಘ್ನವ ಕಳೆದಾನಂದವನು ಕೊಡುವಾ ||3||
0 ಕಾಮೆಂಟ್‌ಗಳು