ರಾಮನ ಪಾದ ಹಿಡಿದು ಭಜಿಸಿರೋ _ Ramana Pada Hididu Bhajisiro "

 || ರಾಮ ಸ್ತುತಿ ||

ರಾಗ : ನಟಭೈರವಿ

ತಾಳ : ಆದಿ

|| ರಾಮನ ಪಾದ ಹಿಡಿದು ಭಜಿಸಿರೋ ||

ಜೈ ಜೈ ರಾಮನ ಪಾದ ಹಿಡಿದು ಭಜಿಸಿರೋ ||

ನೀವು | ಕಾಮಿತ ಫಲಗಳ ಪಡೆಯಿರೋ |

ನೀವು ಕಾಮಿತ ಫಲಗಳ ಪಡೆಯಿರೋ ||

ಜೈ ಜೈ ರಾಮನ ಪಾದ ಹಿಡಿದು ಭಜಿಸಿರೋ || ಪ ||

 

ಸುಳ್ಳು ಠಕ್ಕು ಚಾಡಿ ಕುಹಕ|ಆಡಿಬೇಡಿರೋ | ನೀವು||

ಒಳ್ಳೇ ನುಡಿಯ|ಮಂತ್ರಧ್ಯಾನ|ಬಿಡಲು ಬೇಡಿರೋ || 

 ಜೈ ಜೈ ರಾಮನ ||  ೧.

ಚೆಲ್ಲಾಪಿಲ್ಲಿ|ಮಾತುಗಳನ್ನು ಅಲ್ಲೇ ಬಿಡಿರೋನೀವು||

ಪುಲ್ಲಾ ನಾಭನ ಭಜನೆಯನ್ನು|ಇಲ್ಲೇ ಮಾಡಿರೋ ||

ಜೈ ಜೈ ರಾಮ ||  ೨.

ಹೆಣ್ಣು ಹೊನ್ನು ಮಣ್ಣು ಮೂರ|ನಂಬ ಬೇಡಿರೋ|ನೀವು ||

ಎಣ್ಣೆ ಒಳಗೆ ಬಿದ್ದಂತಹ|ಹುಳುವ ಕಾಣಿರೋ || 

ಜೈ ಜೈ ರಾಮ ||  ೩.

ಅನ್ನದಿಂದ|ಬಂದ ಕಾಮ ನಿನ್ನದೇನಲೋ|ನೀವು ||

ಬಣ್ಣಗೆಟ್ಟು ಬಾಯ್ ಬಾಯ್ ಬಿಡಲು ಬೇಡಿರೋ ||

ಜೈ ಜೈ ರಾಮ  ||  ೪.

ಏಕನಾಥನ ಕರೆದಿ ಪಿಡಿದು|ಝೇಂಕಾರ ಮಾಡಿರೋ|ನೀವು ||

ಏಕಮನದಿ ಕುಳಿತು ರಾಮರ|ಧ್ಯಾನವಮಾಡಿರೋ||

 ಜೈ ಜೈ ||   ೫.

ದಮ್ಮಡಿಯನ್ನು ಹಿಡಿದು ನೀವು|ಝೇಂಕಾರ ಮಾಡಿರೋ|ನೀವು ||

ತಾಳ ಥೈಯ್ಯಾ|ಥೈಯ್ಯಾ|ಎಂದು ತಾಳ ಹಾಕಿರೋ ||

ಜೈ ಜೈ ರಾಮ ||   ೬.

ಗುರುವಿಗಿಂತ|ಮತ್ತೆ ಬೇರೊಬ್ಬರಿಲ್ಲವೋ ||

ಆತನ ಬಿಟ್ರೆ ನಮಗಿನ್ನು | ತಿಳಿಯಲೊಲ್ಲವೋ || 

ಜೈ ಜೈ ರಾಮ ||   ೭.

ನನ್ನಿಯಿಂದ|ಭಜಿಪೆವಯ್ಯ|ಎನ್ನ ಗುರುವೆ|ನೀನು ||

ಮನ್ನಿಸುತ್ತ ನಿನ್ನ ಒಳಗೆ ಐಕ್ಯ ಮಾಡಿಕೋ ||

ಜೈ ಜೈ ರಾಮ ||   ೮.