ಎಂಥ ಮನುಷ್ಯ ಜನ್ಮ ಏನ್ ಕೆಡಿಸಿ ಬಿಟ್ಟೀರಪ್ಪ - Entha Manushya janma bhajan"

 | ತತ್ವಪದ ||

ರಾಗ:- ಕಲ್ಯಾಣಿ

ತಾಳ: ಆದಿ 

ಎಂಥಾ ಮನುಷ್ಯ ಜನ್ಮ|ಏನ್‌ ಕೆಡ್ಸಿ ಬಿಟ್ಟೇರಪ್ಪ||

 ಇಂಥಾ ಜನ್ಮವು ಸಿಕ್ಕುತ್ತೇನಪ್ಪಯ್ಯಾ || 

ಸಂತರ ಸಂಘವಿಲ್ಲ|ಕಂತುಹರನ ಧ್ಯಾನವಿಲ್ಲ

ಸಂಸಾರಕ್ಕೆ ಸಿಕ್ಕೇ|ಕೆಟ್ಟಿರಪ್ಪಯ್ಯಾ ||ಆಹಾ||       

                                                                                    

ಹರದಿಯ ಮೋಹಕ್ಕಾಗಿ ಹರನಾ ಧ್ಯಾನವಾ ಬಿಟ್ಟು |

ಬರಿದೇ ನಿದ್ರೆಯ ಮಾಡಿ|ಕೆಟ್ಟಿರಪ್ಪಯ್ಯಾ || 

ಉದಯವಾಗುವ ಮುನ್ನ|ಹರನಧ್ಯಾನವ ಮಾಡಿರಪ್ಪ

ಮುಕ್ತಿಯನ್ನು ಕೊಡುವನು ಕೇಳಿರಪ್ಪಯ್ಯಾ ||ಆಹಾ||

                                                                                              

ಕಾಲು ಕೈ ಕಿವಿ ಮೂಗು|ನಾಲಿಗೆ ಇರುವಾಗ |

ಕಾಲಹರನ ಧ್ಯಾನವನ್ನು ಮಾಡಿರಪ್ಪಯ್ಯ | 

ಕಾಲನ ಭಟರು ಬಂದು|ಕಾಲ್ಪಿಡಿದೆಳೆದಾಗ |

ತಾಳು ತಾಳೆಂದರೆ|ಕೇಳಿರಪ್ಪಯ್ಯಾ||ಆಹಾ||

                                                                       

ಈರೇಳೆಪ್ಪತ್ತು ಕೋಟಿ ಜೀವರಾಶಿಗಳ ತಿರುಗಿ | 

ಮಾನವನ ದೇಹಕ್ಕೆ ಬಂದಿರಪ್ಪಯ್ಯಾ | 

ಧರೆಯೊಳು ಮಣಿಪುರ | ವರಪಾರ್ವತೀಶನ |

ಕರುಣ ಕಟಾಕ್ಷದಿ | ಬಾಳಿರಪ್ಪಯ್ಯಾ || ಆಹಾ ||