|| ದೇವರ ನಾಮ ||
ರಚನೆ : ಪುರಂದರ ದಾಸರು
ನಿನ್ನ ಮಗನೇನೇ ಗೋಪಿ-ಗೋಪಮ್ಮ
ಉಡುಪಿಯ_ಶ್ರೀಕೃಷ್ಣ
ನಿನ್ನ ಮಗನೇನೆ ಗೋಪಿ
ಚೆನ್ನಾರ ಚೆಲುವ ಉಡುಪಿಯ ಶ್ರೀಕೃಷ್ಣಬಾಲ |
ನಿನ್ನ ಮಗನೇನೆ ಗೋಪಿ||
ಕಟವಾಯ ಬೆಣ್ಣೆ ಕಾಡಿಗೆಗಣ್ಣು ಕಟಿಸೂತ್ರ |
ಪಟವಾಳಿ ಕೈಪ ಕೊರಳೊಳು ಪದಕ ||
ಸಟೆಯಲ್ಲ ಬ್ರಹ್ಮಾಂಡ ಹೃದಯದೊಳಿರುತಿರಲು |
ಮಿಟಿಮಿಟಿ ನೋಡುವ ಈಮುದ್ದು ಕೃಷ್ಣ ..
ನಿನ್ನ ಮಗನೇನೆ ಗೋಪಿ||೧||
ಮುಂಗುರುಳ ಮುಂಜೆಡೆ ಬಂಗಾರದರಳೆಲೆ |
ರಂಗಮಾಣಿಕದ ಉಂಗುರವಿಟ್ಟು ||
ಪೊಂಗೆಜ್ಜೆ ಕಾಲಲಂದುಗೆ ಘಿಲ್ಲುಘಿಲ್ಲೆನುತ |
ಅಂಗಳದೊಳಗಾಡುತಿಹ ಈ ಮುದ್ದು ಕೃಷ್ಣ ...
ನಿನ್ನಮಗನೇನೆ ಗೋಪಿ||೨||
ಹರಿವ ಹಾವನೆ ಕಂಡು ಹೆಡೆಹಿಡಿದು ಆಡುವ
ಕರುವಾಗಿ ಆಕಳ ಮೊಲೆಯುಣ್ಣುವ ||
ಅರಿಯದಾಟವ ಬಲ್ಲ ಅಂತರಂಗದ ಸ್ವಾಮಿ
ಧರೆಯೊಳಧಿಕನಾದ ಪುರಂದರವಿಠಲಯ್ಯ...
ನಿನ್ನ ಮಗನೇನೆ ಗೋಪಿ||೩||
0 ಕಾಮೆಂಟ್‌ಗಳು