|| ಶಿವ ಸ್ತುತಿ ||
ಈಶ ನಿನ್ನ ನಿರತ ಭಜಿಸಿ
ತೋಷದಿಂದ ಪೂಜೆ ಮಾಳ್ಫೆ
ಕ್ಲೇಶ ನೀಗಿ ಸಲಹು ನನ್ನ ಮಹಾರುದ್ರನೇ |
ಆಸೆಯಿಂದ ಬೇಡಿಕೊಂಬೆ
ದೋಷವನ್ನು ದೂರ ಮಾಡು
ದಾಸನಾಗಿ ಸೇವೆಗೈವೆ ವಾಮದೇವನೇ||೧||
ಅರಿತೆನಯ್ಯ ನಿನ್ನ ಮಹಿಮೆ
ಹರುಷದಿಂದ ನಿನ್ನ ನಾಮ
ನಿರತ ನೆನೆಯುವಂತೆ ಮಾಡು ವ್ಯೋಮಕೇಶನೇ|
ಶಿರದಿ ಶಶಿಯ ಮುಡಿದ ದೇವ
ಕರುಣ ಮೂರ್ತಿ ಹರಸುಯೆನ್ನ
ಶರಣುಯೆನುತ ಪಾದಹಿಡಿವೆ ಗೌರಿಯರಸನೆ||೨||
ದಾರಿಗಾಣದಯ್ಯ ನನಗೆ
ದಾರಿ ತೋರಿಸಯ್ಯ ನೀನು
ಪಾರುಗಾಣಿಸಯ್ಯ ಯೆನ್ನ ಸೋಮಶೇಖರ|
ಯಾರ ಮೊರೆಯನಿಡೆನು ನಾನು
ಚಾರುಚರಣ ತೋರುಯೆನಗೆ
ಮೂರುಲೋಕ ಸ್ವಾಮಿ ದೇವ ಚಂದ್ರಶೇಖರ||೩||
ಸರಿಯ ಬುದ್ದಿ ಕಲಿಸು ನನಗೆ
ಕರವ ಹಿಡಿದು ನಡೆಸುಯೆನ್ನ
ಪರಮ ಕರುಣೆ ಬೀರುಯೆನಗೆ ಭುಜಗ ಭೂಷಣ|
ಮರೆತು ಬಿಡದೆ ಹರನ ನಾಮ
ಬರೆದು ನಿರತ ಭಜಿಸುವವರ
ನಿರತ ಪೊರೆವನೆಲ್ಲರನ್ನು ನಂದಿವಾಹನ||೪||
0 ಕಾಮೆಂಟ್ಗಳು