|| ಹರಿ ಸ್ತುತಿ ||
ಮುರಳೀ ಬಾರಿಸೋ ಮಾಧವ ಕುಣಿಯುವೆ |ಪ|
ಭವದ ಸಂತಾಪವು ಕೊನೆಯಾಗಲಿ |
ಭುವಿಯೊಳು ಜೀವನ ಸವಿಯಾಗಲಿ |
ನವವಿಧ ಭಕುತಿಯು ನಲಿದಾಡಲಿ |
ಕಿವಿತುಂಬ ಕೇಳಿ ನಾ ನಲಿಯುವೆ ಶ್ರೀಕರ ॥1॥
ಅರಿಷಡವರ್ಗಗಳೆಲ್ಲ ಮರೆಯಾಗಲಿ |
ಹರುಷ ಮಾನಸದಲ್ಲಿ ಸೆರೆಯಾಗಲಿ |
ಮುರಳಿಯ ಧ್ವನಿಯು ತಾ ದೊರೆಯಾಗಲಿ |
ಪರಮ ವೈರಾಗ್ಯವೆ ಸಿರಿಯಾಗಲಿ ದೇವ ॥|2॥
ಸಾಲೋಕ್ಯ ಸಾರೂಪ್ಯ ಸಾಯುಜ್ಯವು |
ಈ ಲೋಕದಲ್ಲೀಗ ಈ ಲಾಭವು ॥
ಶ್ರೀಲೋಲ ಗೋಪಾಲ ಬಾಲ ಪ್ರಸನ್ನನೆ |
ಮೇಲಾಯ್ತು ನರಜನ್ಮ ಇರಲಿ ಎಂದೆಂದದಿಗು ॥3॥
|| ಶ್ರೀಕೃಷ್ಣಾರ್ಪಣಮಸ್ತು ||
0 ಕಾಮೆಂಟ್‌ಗಳು