||ಗಣಪತಿ ಭಜನೆ ||
ರಾಗ : ಅಭೇರಿ
ಜಯ ಜಯ ಮೂಷಕ ಗಮನ
ಜಯ ಜಯ ಗಜಾನನ
ಜಯ ಜಯ ನಾಗಾಭರಣ
ಜಯ ಏಕದಂತ ಜಯ ಜಯ ||ಪ||
ಮತಿಯ ಕೊಡು, ಪಾರ್ವತಿಯ, ನಿಜ ತನುಜನೆ
ಬಿಡದೇ ನಿನ್ನನು ಸ್ತುತಿಸುವೆ ಕ್ಷಿತಿಯೊಳಗೆ
ಶ್ರೀ ಲಕುಮೀ ಪತಿಯ ಕೊಂಡಾಡಿ
ಸದ್ಗತಿಯ ಪಡೆವುದಕೆ ಸಾರಥಿಯಾಗೋ II೧I|
ಆಕಾಶದಭಿಮಾನಿ ಅಂಗಜನ ಚಾಪ
ನಿರಾಕರಿಸಿ ಬಿಸುಟ ಲಂಬೋದರನೆ
ಏಕಪಿಂಗಾದಿಗಳ ಹಸ್ತ ಚತುಷ್ಟ ಲೋಕದೊಳ್
ಭಜಿಸುವವರ ವಿದ್ಯಾನಿಧಿಯೆ II೨II
ಸೀತಾರಮಣನಿಂದ ಪೂಜಿತನಾಗಿ
ನದಿತೀರದಲಿ ಮೆರೆವ ಗಣೇಶ
ಸೇತು ಮಾಧವ ವಿಜಯ, ವಿಠಲರಾಯನ,
ದೂತನು ನೀನೇ ಪಾಶಾಂಕುಶಧರನೆ ||೩||
0 ಕಾಮೆಂಟ್‌ಗಳು