|| ಶ್ರೀನಿವಾಸ ಕಲ್ಯಾಣ ಹಾಡು ||
ವೆಂಕಟೇಶ ಕಲ್ಯಾಣ ವಿಶ್ವದ ಕಲ್ಯಾಣ
ಪದ್ಮಾವತಿಯ ಕಲ್ಯಾಣ ಭಾಗ್ಯದ ಕಲ್ಯಾಣ
ನಿತ್ಯೋತ್ಸವಗಳ ಕಲ್ಯಾಣ ನಿತ್ಯ ಕಲ್ಯಾಣ
ಪದ್ಮಾವತಿಯ ಕಲ್ಯಾಣ ಭಾಗ್ಯದ ಕಲ್ಯಾಣ||
ಬ್ರಹ್ಮ ರುದ್ರರು ಇಂದ್ರ ಚಂದ್ರರು
ಮುಕ್ಕೋಟಿ ಸುರರು ಬಂದಿಹರು
ಮನ್ಮಥ ಜನಕನ ಮದುವೆಯ ಮಾಡಲು
ಲಕುಮಿಯು ಬಂದಳು ಬಕುಳೆಯು ಬಂದಿಹಳು||
ಬನ್ನಿರಿ ವೈಶಾಖ ದಶಮಿಯ ಕಲ್ಯಾಣ
ನೋಡಿರಿ ವೈಭವಪೂರಿತ ಕಲ್ಯಾಣ
ಶ್ರೀನಿಧಿ ಕಮಲನಾಭನ ಕಲ್ಯಾಣ
ಲೋಕದ ಕಣ್ಮನ ಸೆಳೆಯುವ ಕಲ್ಯಾಣ||
ಕಲ್ಯಾಣೋತ್ಸವ ಸೇವೆಯ ಮಾಡೋಣ
ಶ್ರೀನಿವಾಸನ ಕಲ್ಯಾಣ ನೋಡೋಣ
ಕಾಣಿಕೆ ಸಲ್ಲಿಸಿ ನಮಿಸೋಣ
ಕೈವಲ್ಯ ಸುಖವನು ಪಡೆಯೋಣ||
0 ಕಾಮೆಂಟ್‌ಗಳು