ದುರ್ಗಾ ದೇವಿ ಆರತಿ ಹಾಡು
ಆರತಿ ಬೆಳಗೋಣ ಬನ್ನಿ ದುರ್ಗಾದೇವಿಗೆ
ಆರತಿ ಬೆಳಗೋಣ ಸಿಂಹವಾಹಿನಿ ದೇವಿಗೆ
ಆರತಿ ಬೆಳಗೋಣ ಮಹಿಷಾಸುರಮರ್ಧಿನಿಗೆ
ಆರತಿ ಎತ್ತೋಣ ಮಹಾಕಾಳಿಗೆ
ಅಷ್ಟಭುಜಗಳಲ್ಲಿ ಅಷ್ಟ ಆಯುಧಧಾರಿಗೆ
ಕಷ್ಟದ ಸಂಕೋಲೆಯನ್ನು ಬಿಡಿಸುವಳಿಗೆ
ಅಷ್ಟಮಿಯ ದಿನ ಪೂಜೆಗೊಂಬ ಮಾತೆಗೆ
ಅಷ್ಟೈಶ್ವರ್ಯ ಕೊಟ್ಟು ರಕ್ಷಿಸೊ ಅಂಬೆಗೆ
ಕೌಮಾರಿ ಕಾತ್ಯಾಯನಿ ಕಾಳರಾತ್ರಿ ರೂಪೆಗೆ
ತಾಮಸ ರಾಕ್ಷಸರ ರುಂಡಮಾಲಾಧಾರಿಗೆ
ಸಮವಿಲ್ಲದ ಶಕ್ತಿಗೆ ಚಂಡಿ ಚಾಮುಂಡಿಗೆ
ಸುಮನೋಹರಿ ಶುಂಭನಿಶುಂಭ ಧ್ವಂಸಿಗೆ
ನವದುರ್ಗೆ ರೂಪದಿ ಪೂಜೆಗೊಳ್ಳುವವಳಿಗೆ
ಭುವನೇಶ್ವರಿಗೆ ಸಪ್ತಮಾತೃಕೆ ರೂಪಳಿಗೆ
ನವಾವರಣ ಪೂಜೆಗೆ ಒಲಿವ ತ್ರಿಪುರಸುಂದರಿಗೆ
ಭವಭಯಕಳೆವ ಸಿರಿಹಿರಿ ಅನುಜೆಗೆ
ಶ್ರೀ ಕೃಷ್ಣಾರ್ಪಣಮಸ್ತು : ರೂಪಶ್ರೀ ಶಶಿಕಾಂತ್‌
0 ಕಾಮೆಂಟ್‌ಗಳು