ಭಜ ರೇ ಲೋಕಗುರುಂ ಮನುಜ - Bhajare Loka Gurum Manuja

||ಜಗದ್ಗುರು ಶಂಕರ ಭಗವತ್ಪಾದರ ಕೀರ್ತನೆ||

ಘೋಷ :

ಜಗದ್ಗುರು ಶಂಕರಾಚಾರ್ಯ ಗುರು ಮಹಾರಾಜ ಕೀ ಜೈ |

ಶ್ಲೋಕ :

ಶ್ರೀ ಶಂಕರೇತಿ ಸತತಂ ಪರಿಕೀರ್ತಯಂತಿ

ಪಾದಾಂಬುಜಂ ಪರಗುರೋರ್ಹೃದಿ ಚಿಂತಯಂತಿ |

ಯೇ ವೈ ತ ಏವ ಸುಖಿನಃ ಪುರುಷಾ ಹಿ ಲೋಕೇ

ಶ್ರೀ ಶಂಕರಾರ್ಯ ಮಮ ದೇಹಿ ಪದಾವಲಂಬಮ್ ||

ಕೀರ್ತನೆ 

ರಾಗ : ಆಭೇರೀ

 ತಾಳ : ಆದಿ

ಭಜ ರೇ ಲೋಕಗುರುಂ ಮನುಜ

ಭಜ ರೇ ಲೋಕ ಗುರುಮ್ ||

ಆರ್ಯಾಂಬಾ ಮುಖ ಪಂಕಜ ಭಾನುಂ

ಆರ್ಯಾಜಾನಿ ಪದಾಂಬುಜ ಭೃಂಗಮ್ ||

ನಿತ್ಯಾನಿತ್ಯ ವಿವೇಚನ ಚತುರಂ

ಸತ್ಯಾದ್ವಯ ಚಿಚ್ಚಿಂತನ ನಿರತಮ್ ||

ದಂಡಕಮಂಡಲು ಮಂಡಿತ ಪಾಣಿಂ

ಪಂಡಿತ ಪಾಮರ ವಂದಿತ ಪಾದಮ್ ||

ಶಂಕರಮಾಶ್ರಿತ ಜನ ಮಂದಾರಂ

ಕಿಂಕರ ಭಾರತೀತೀರ್ಥ ಸುಸೇವ್ಯಮ್ ||