|| ಶ್ರೀ ಶಿವ ಆರತೀ ||

ಸರ್ವೇಶಂ ಪರಮೇಶಂ ಶ್ರೀಪಾರ್ವತೀಶಂ

ವಂದೇಽಹಂ ವಿಶ್ವೇಶಂ ಶ್ರೀಪನ್ನಗೇಶಮ್ ।

ಶ್ರೀಸಾಂಬಂ ಶಂಭುಂ ಶಿವಂ ತ್ರೈಲೋಕ್ಯಪೂಜ್ಯಂ

ವಂದೇಽಹಂ ತ್ರೈನೇತ್ರಂ ಶ್ರೀಕಂಠಮೀಶಮ್ ॥ 1॥

ಭಸ್ಮಾಂಬರಧರಮೀಶಂ ಸುರಪಾರಿಜಾತಂಬಿ

ಲ್ವಾರ್ಚಿತಪದಯುಗಲಂ ಸೋಮಂ ಸೋಮೇಶಂ|

ಜಗದಾಲಯಪರಿಶೋಭಿತದೇವಂ ಪರಮಾತ್ಮಂ

ವಂದೇಽಹಂ ಶಿವಶಂಕರಮೀಶಂ ದೇವೇಶಮ್ ॥ 2॥

ಕೈಲಾಸಪ್ರಿಯವಾಸಂ ಕರುಣಾಕರಮೀಶಂ

ಕಾತ್ಯಾಯನೀವಿಲಸಿತಪ್ರಿಯವಾಮಭಾಗಮ್ ।

ಪ್ರಣವಾರ್ಚಿತಮಾತ್ಮಾರ್ಚಿತಂ ಸಂಸೇವಿತರೂಪಂ

ವಂದೇಽಹಂ ಶಿವಶಂಕರಮೀಶಂ ದೇವೇಶಮ್ ॥ 3॥

ಮನ್ಮಥನಿಜಮದದಹನಂ ದಾಕ್ಷಾಯನೀಶಂ

ನಿರ್ಗುಣಗುಣಸಂಭರಿತಂ ಕೈವಲ್ಯಪುರುಷಮ್ ।

ಭಕ್ತಾನುಗ್ರಹವಿಗ್ರಹಮಾನಂದಜೈಕಂ ವಂದೇಽಹಂ

ಶಿವಶಂಕರಮೀಶಂ ದೇವೇಶಮ್ ॥ 4॥

ಸುರಗಂಗಾಸಂಪ್ಲಾವಿತಪಾವನನಿಜಶಿಖರಂ

ಸಮಭೂಷಿತಶಶಿಬಿಂಬಂ ಜಟಾಧರಂ ದೇವಮ್ ।

ನಿರತೋಜ್ಜ್ವಲದಾವಾನಲನಯನಫಾಲಭಾಗಂ

ವಂದೇಽಹಂ ಶಿವಶಂಕರಮೀಶಂ ದೇವೇಶಮ್ ॥ 5॥

ಶಶಿಸೂರ್ಯನೇತ್ರದ್ವಯಮಾರಾಧ್ಯಪುರುಷಂ

ಸುರಕಿನ್ನರಪನ್ನಗಮಯಮೀಶಂ ಸಂಕಾಶಮ್ ।

ಶರವಣಭವಸಂಪೂಜಿತನಿಜಪಾದಪದ್ಮಂ ವಂದೇಽಹಂ

ಶಿವಶಂಕರಮೀಶಂ ದೇವೇಶಮ್ ॥ 6॥

ಶ್ರೀಶೈಲಪುರವಾಸಂ ಈಶಂ ಮಲ್ಲೀಶಂ

ಶ್ರೀಕಾಲಹಸ್ತೀಶಂ ಸ್ವರ್ಣಮುಖೀವಾಸಮ್ ।

ಕಾಂಚೀಪುರಮೀಶಂ ಶ್ರೀಕಾಮಾಕ್ಷೀತೇಜಂ

ವಂದೇಽಹಂ ಶಿವಶಂಕರಮೀಶಂ ದೇವೇಶಮ್ ॥ 7॥

ತ್ರಿಪುರಾಂತಕಮೀಶಂ ಅರುಣಾಚಲೇಶಂ

ದಕ್ಷಿಣಾಮೂರ್ತಿಂ ಗುರುಂ ಲೋಕಪೂಜ್ಯಮ್ ।

ಚಿದಂಬರಪುರವಾಸಂ ಪಂಚಲಿಂಗಮೂರ್ತಿಂ

ವಂದೇಽಹಂ ಶಿವಶಂಕರಮೀಶಂ ದೇವೇಶಮ್ ॥ 8॥

ಜ್ಯೋತಿರ್ಮಯಶುಭಲಿಂಗಂ ಸಂಖ್ಯಾತ್ರಯನಾಟ್ಯಂ

ತ್ರಯೀವೇದ್ಯಮಾದ್ಯಂ ಪಂಚಾನನಮೀಶಮ್ ।

ವೇದಾದ್ಭುತಗಾತ್ರಂ ವೇದಾರ್ಣವಜನಿತಂ ವೇದಾಗ್ರಂ

ವಿಶ್ವಾಗ್ರಂ ಶ್ರೀವಿಶ್ವನಾಥಮ್ ॥ 9॥