|| ಲಕ್ಷ್ಮಿ ಹಾಡು||
ಓಂ ಹಿರಣ್ಯಾವರ್ಣಾಂ ಹರಿಣೀಂ
ಸುವರ್ಣರಜತಸ್ರಜಾಮ್||
ಅಂಗಜ ಪಿತನರ್ಧಾಂಗಿ ನೀ ಏಳು
ಶೃಂಗಾರದಂಥ ಶುಭಾಂಗಿ ನೀ ಏಳು
ಕಂಗಳ ನೋಟದ ಕಡು ಚೆಲ್ವೆ ನಿನ್ನ
ಪಾದಂಗಳಿಗೆರಗುವೆ ಎನುತ ಮಾಲಕ್ಷುಮಿಯ
ಅಂಗನೆಯರ್ಹಸೆಗೆ ಕರೆದರು||
ಅಜನ ಜನಕನರಗಿಳಿಯೆ ನೀ ಏಳು
ಪದಮನಾಭನ ಪಟ್ಟದರಸಿ ನೀ ಏಳು
ತ್ರಿಜಗ ಭೂಷಿತನೆದೆ ಮ್ಯಾಲೆ ಹೊಂದಿರುವಂಥ
ಮದಗಜ ಗಮನೆ ಮಾಲಕ್ಷ್ಮಿ ಬಾರೆನುತಲಿ
ಮುದದಿಂದಲಿ ಹಸೆಗೆ ಕರೆದರು ||
ಸೋಮ ವದನೆ ಸುಗುಣೆ ಜಾಣೆ ನೀ ಏಳು
ಕೋಮಲ ಕೋಕಿಲವಾಣಿ ನೀ ಏಳು
ಹೇಮ ಮಾಣಿಕ್ಯ ನಾಗವೇಣಿಯೆ ನಮ್ಮ
ಭೀಮೇಶ ಕೃಷ್ಣನ ನಿಜರಾಣಿ ಮಾ ಲಕ್ಷುಮಿ
ಪಟ್ಟದರಾಣಿ ಬಾ ಹಸೆಗೆ ಕರೆದರು ||
0 ಕಾಮೆಂಟ್‌ಗಳು