||ಲಕ್ಷ್ಮಿ ಹಾಡು||
ರಾಗ : ಮಧ್ಯಮಾವತಿ
ತಾಳ : ಅಟ್ಟ
ಪಾಲಿಸೆ ಪದುಮಾಲಯೆ ನೀನೇ ಗತಿ ||ಪ||
ಬಾಲಕನು ತಾನಾಗಿ ಗೋಪಿಗೆ
ಲೀಲೆಯಿಂದಲಿ ನಂದಗೋಕುಲ-
ಬಾಲೆಯರ ಮೋಹಿಸುತ ಅಸುರರ
ಕಾಲನೆನಿಸಿದ ಬಾಲಕನ ಪ್ರಿಯೆ ||ಅ.ಪ||
ಅನ್ಯರ ನೆನೆಯಲೊಲ್ಲೆ ನಿನ್ನಯ ಪಾದ
ವನ್ನು ನಂಬಿದೆ ನೀ ಬಲ್ಲೆ ತಡಮಾಡದೆ
ಚಿಣ್ಣ ಕರೆಯಲು ಘನ್ನಮಹಿಮನು
ಉನ್ನತದ ರೂಪಿನಲಿ ಗುಣಸಂ
ಪನ್ನ ರಕ್ಕಸರನ್ನು ಸೀಳಿದ
ಪನ್ನಗಾದ್ರಿನಿವಾಸೆ ಹರಿಪ್ರಿಯೆ ||೧||
ಅರಿಯದ ತರಳನೆಂದು ಶ್ರೀಪತಿ ಸತಿ
ಕರುಣದಿ ಸಲಹೆ ಬಂದು ಕರುಣಾಸಿಂಧು
ಸರಸಿಜಾಸನ ರುದ್ರರೀರ್ವರ
ವರದಿ ಮೂರ್ಖನ್ರಸುರ ಬಾಧಿಸ
ಹರಿವರರ ದಂಡೆತ್ತಿ ಬಹುಮುಖ
ದುರುಳನ ಶಿರ ತರಿದವನ ಪ್ರಿಯೆ ||೨||
ಅಜಮನಸಿಜಜನನಿ ಅಂಬುಜಪಾಣಿ
ಭುಜಗಸನ್ನಿಭವೇಣಿ ನಿತ್ಯಕಲ್ಯಾಣಿ
ಕುಜನಮರ್ದನ ವಿಜಯವಿಠಲನ
ಭಜಿಸಿಪಾಡುವ ಭಕ್ತಕೂಟವ
ನಿಜದಿ ಸಲಹುವೆನೆಂಬ ಬಿರುದುಳ್ಳ
ವಿಜಯಸಾರಧಿ ವಿಶ್ವಂಭರಪ್ರಿಯೆ ||೩||
0 ಕಾಮೆಂಟ್‌ಗಳು