||ಶ್ರೀ ವೆಂಕಟಾಚಲ ಅವಧೂತ ಸ್ತುತಿ||
ಬಲು ಸಡಗರದಿ ಬಂದು ಬೃಂದಾವನವ ಸುತ್ತಿ
ಆನಂದದಿ ನಿಂತೆನೋ
ಎಂದೂ ಕಾಣದ ಅನುಭೂತಿ ಪಡೆದು
ಮೈ ಮರೆತು ಭಜಿಸಿಹೆನೋ|
ಹರನೆಲ್ಲಿ ಹರನೆಲ್ಲಿ ಎನುತ ಮುದದಿ ಪಾಡುತ
ಸಖರಾಯಧೀಶನ ಕಂಡೆನೋ
ಮಹದೇವ ತಾನಾಗಿ ಬಕುತರಾ ಪೊರೆಯುತ
ಇದ್ದರೂ ಇಲ್ಲದಂತಿಹನೋ|
ಶಿವನೇ ತಾನಾಗಿ ಲೀಲೆಗಳ ತೋರುತ
ಎಲ್ಲರೊಳಗೊಂದಾಗಿ ಬೆರೆತಿಹನೋ
ಪಂಚ ಭೂತಗಳೊಡೆಯ ತಾನಾದರೂ
ಕಿಂಚಿತ್ತೂ ಗರ್ವ ತೋರನಿವನೋ|
ಎಲ್ಲಾ ಅವನ ಲೀಲೆ ಎನುತ ಎಲ್ಲಾ ಕಷ್ಟ
ದೂರಮಾಡುತ ಮೌನದರಿಸಿಹನೋ
ಎಲ್ಲಾ ಜೀವಿಗಳ ಒಡನಾಟದಿ ಅರಿವಿಲ್ಲದೇ
ಎಲ್ಲರಲೂ ಅರಿವು ಮೂಡಿಸಿಹನೋ|
ಕರ್ಮ ಬಂಧನದ ಸಂಕೋಲೆ ಕಳಚುತ
ನಿತ್ಯ ಸತ್ಯ ಸಾರಿ ಹೇಳಿಹನೋ
ಸಖರಾಯಾಧೀಶ ಎಂದೊಡೆ ಅನಾಥ ಭಾವ
ಸರಿಸಿ ನಿಮ್ಮೊಡನೆ ಇರುವೆನೆಂದನೋ|
0 ಕಾಮೆಂಟ್‌ಗಳು