|| ಗುರು ಸ್ತುತಿ ||
 |
| kannadabhajanlyrics.com |
ದಯಾಮಯ ಗುರು ಕರುಣಾ ಮಯ
ಕರುಣಾ ಮಯ ಗುರು ಪ್ರೇಮಾಮಯ || ಪ ||
ಪರಮ ಸ್ವರೂಪನು ತಾನಂತೆ
ಅರಿಯಲು ಭಕ್ತಿಯು ಬೇಕಂತೆ
ಒಲಿದರೆ ಪಾವನನವನಂತೆ
ಸಂಸಾರದ ಭಯ ಅವಗಿಲ್ಲಂತೆ || ೧ ||
ಗುರುವಿಗೆ ಸಮನಾರಿಲ್ಲಂತೆ
ಗುರು ಪಾದವ ನಂಬಿರಬೇಕಂತೆ
ಧೃಢತೆಯು ತನಗಿರಬೇಕಂತೆ
ಧೃತಿ ಗೆಡದೆ ತಾನಿರಬೇಕಂತೆ || ೨ ||
ಪಾಪಿಗೆ ತಾ ಬಹು ದೂರಂತೆ
ದುರ್ಮಾರ್ಗಿಗೆ ಕಾಣನು ಗುರುವಂತೆ
ಕುಟಿಲರಿಗೆ ಒಲಿಯನು ತಾನಂತೆ
ಕುಹಕಿಗೆ ಎಂದೂ ಸಿಗನಂತೆ || ೩ ||
ಜ್ಞಾನವೇ ತನ್ನುಸಿರು ಆಗಿಹುದು
ಉಸಿರಲು ಪಾವನವಾಗುವುದು
ಸೇವೆಯೆ ಸಾಧನೆಯಾಗಿಹುದು
ಗುರು ಕರುಣೆಯೆ ಧನ್ಯನ ಮಾಡುವುದು || ೪ ||
ಶರಣಾಗತರನು ಕಾಯುವನು
ಪರಾಮನಂದವ ನುಡಿಸುವನು
ನಿಜಭಕ್ತಿಗೆ ಗುರು ತಲೆಬಾಗುವನು
ಭವ ಜಲದಿಯ ದಾಂಟಿಸಿ ಕಾಯುವನು || ೫ ||
ನಾನೀಯೆಂಬುದ ನಳಿಯೆಂದ
ಮದ ಮತ್ಸರಗಳ ನೀ ಸುಡು ಎಂದ
ದುರುಳರಿಗೆ ನಾ ದೂರೆಂದ
ದುರಹಂಕಾರಿಗೆ ತಾ ಸಿಗನೆಂದ || ೬ ||
ಸದ್ಗುರು ದೊರೆವುದು ದುರ್ಲಭವು
ದೊರೆತರೆ ಜನ್ಮವು ಪಾವನವು
ಸಾರುತಲರಿವವು ಶಾಸ್ತ್ರಗಳು
ಗುರುಪರಮೇಶ್ವನು ಅಹುದೆಂದು || ೭ ||
ಅಚ್ಯುತ ಅನಂತ ಶ್ರೀಗುರುವೇ
ಚಿನ್ಮಯ ಚಿತ್ರಣ ನೀ ಗುರುವೇ
ಗುರು ಕನ್ಯೇಶ್ವರ ಬಾ ಗುರುವೇ
ಕರ ಜೋಡಿಸಿ ನಾ ಶಿರ ಬಾಗಿರುವೆ || ೮ ||
ದಯಾಮಯ ಗುರು ಕರುಣಾ ಮಯ
ಕರುಣಾ ಮಯ ಗುರು ಪ್ರೇಮಾಮಯ
ಕರುಣಾ ಮಯ ಗುರು ಪ್ರೇಮಾಮಯ
ಕರುಣಾ ಮಯ ಗುರು ಪ್ರೇಮಾಮಯ
ಕರುಣಾ ಮಯ ಗುರು ಪ್ರೇಮಾಮಯ
ಕರುಣಾ ಮಯ ಗುರು ಪ್ರೇಮಾಮಯ
2 ಕಾಮೆಂಟ್‌ಗಳು
👌
ಪ್ರತ್ಯುತ್ತರಅಳಿಸಿ(k)
ಪ್ರತ್ಯುತ್ತರಅಳಿಸಿ