|| ಶಿವ ಸ್ತುತಿ ||
ರಚನೆ r
ಸೋಮಶಿವ ಶರ್ವ ಭವ ಶಿತಿಕಂಠ ನಿನ್ನಪದ
ತಾಮರಸಯುಗಗಳಿಗಾನಮಿಸುವೆ ||ಪ||
ಕಾಮಹರ ಕೈಲಾಸ ಹೇಮಗಿರಿಯಾವಾಸ
ರಾಮನಾಮನ ಭಜಿಪ ಉಮೆಯರಸ ಶಂಭೋ||ಅ.ಪ||
ಗೋಪತಿ ಧ್ವಜ ಘೋರ ಪಾಪ ಸಂಹರಣ ಹರಿ
ತೋಪಲೋಪಮ ಕಂಠ ಚಾಪಪಾಣೀ
ಶ್ರೀ ಪತಿಯ ಶ್ರೀನಾಭಿ ಕೂಪಸಂಭವತನಯ
ನೀ ಪಾಲಿಸೆಮ್ಮನು ವಿರೂಪಾಕ್ಷ ಗುರುವೆ ||೧||
ಮೃತ್ಯುಂಜಯ ಮೃಗಾಂಕ ಕೃತ್ತಿವಾಸ ಕೃಪಾಳೊ
ವಿತ್ತಪತಿ ಸಖ ವಿನಾಯಕರ ಜನಕ
ನೃತ್ಯವರ್ಗಕೆ ಬಾಹ ಅಪಮೃತ್ಯು ಕಳೆದು ಸಂ
ಪತ್ತು ಪಾಲಿಸುವುದು ನಿವೃತ್ತಿ ಸಂಗಮಪ ||೨||
ಭಸಿತ ಭೂಷಿತ ಡಮರು ತಿಸುಳಗೈಯನೆ ಶಂಭೋ
ಕಿಸಲಯೋಪಮ ರವಿ ಶಶಿಭೂಷಣ
ಅಸುರಾರಿ ಶ್ರೀ ಜಗನ್ನಾಥ ವಿಠಲನ ಪದ
ಬಿಸಜ ಧ್ಯಾನವನೀಯೊ ಹಸನಾಗಿ ಕಾಯೊ ||೩||
0 ಕಾಮೆಂಟ್‌ಗಳು