|| ಶ್ರೀ ಗೌರೀ ಗಣೇಶ ಆರತಿ ||
ಅಂದದಾರತಿ ಬೆಳಗುವ ಅಗಜೆ ಗೌರಮ್ಮಗೆ |
ಮಂಗಳಾರತಿ ಗೌರೀಪುತ್ರ ವರ ಗಣಪನಿಗೆ ||೧||
ಮಂಗಳಾರತಿ ಮಂಗಲೇ ಗೌರಮ್ಮ ಪಾದಕ್ಕೆ |
ಮುದದಾರತಿ ಶಿವಪುತ್ರ ಗಣಪ ಪದ್ಮಾಂಘ್ರೀಗೆ ||೨||
ಮಡಿಲಕ್ಕಿಯ ಅರ್ಪಿಸಿ ಮನದಿಚ್ಛೆಯ ಬೇಡಲು
ಆರತಿ ಸತೀ ಸಾಧ್ವೀ ಪಾರ್ವತೀಗೆ |
ಮಹಾ ಮಂಗಳಾರತಿ ಇಭವಕ್ತ್ರ ವಿಘ್ನೇಶ
ಸಿದ್ಧಿಬುದ್ಧಿಪತಿ ಗೌರೀಪುತ್ರನಿಗೆ ||೩||
ಜಗದಂಬಾ ಸುತ ಗಣನಾಥನ ಆರತಿ
ಕಾಂಕ್ಷಿತಾರ್ಥ ಪ್ರದ ಪಾದದಲಿ ;
ಜಗನ್ಮಾತೆ ಗೌರೀ ನಗುವಿನಾರತಿ ಬೆಳಗುತ
ಮನದಾಸೆ ಹರಕೆ ಆರತಿ ಅಮ್ಮನಲಿ ||೪||
ಜಯ ಜಯತು ಮಂಗಳ ಗೌರಮ್ಮ ಸೌಭಾಗ್ಯ
ಆರತಿ ಬ್ರಾಹ್ಮರೀ ಭಾರ್ಗವೀ ಭಗವತಿಗೆ |
ಜಯತು ಲಂಭೋದರ ಶ್ರೀಪಾದದಾರತಿ
ಷಣ್ಮುಖಾಗ್ರಜ ಆದಿಪೂಜಿತಗೆ ||೫||
ಮಂಗಳ ಸ್ತುತಿಪದ್ಮ ಮರ್ಮಜ್ಞ ಹೃತ್ಪದ್ಮ
ಮಹಾಪೂಜಾರತಿ ಮಂಗಳಾದೇವಿ ಪದ್ಮಾಂಘ್ರೀಗೆ|
ಮಂಗಳೆಯರ ಮನೋ ಅಹ್ಲಾದಾರತಿ ನಿಮ್ಮಡಿಗೆ
ವರನೀಡಿ ಗಣಪ ಶ್ರೀಮಾತಾ ಗೌರಮ್ಮನೆ||೬||
0 ಕಾಮೆಂಟ್‌ಗಳು