|| ಭಗವತಿ ಸ್ತೋತ್ರಂ ||
ಜಯ ಭಗವತೀ ದೇವಿ ನಮೋ ವರದೇ
ಜಯ ಪಾಪನಾಶಿನಿ ಬಹುಫಲದೇ |
ಜಯ ಶುಂಭನಿಶುಂಭಕಪಾಲಧರೇ
ಪ್ರಣಮಾಮಿ ತು ದೇವಿ ನರಾರ್ತಿಹರೇ ||
ಜಯ ಚಂದ್ರದಿವಾಕರನೇತ್ರಧರೇ
ಜಯ ಪಾವಕಭೂಷಿತವಕ್ತ್ರವರೇ |
ಜಯ ಭೈರವದೇಹನಿಲೀನಪರೇ
ಜಯ ಅಂಧಕದೈತ್ಯವಿಶೋಷಕರೇ ||
ಜಯ ಮಹಿಷವಿಮರ್ದಿನಿ ಶೂಲಕರೇ
ಜಯ ಲೋಕಸಮಸ್ತಕಪಾಪಹರೇ |
ಜಯ ದೇವಿ ಪಿತಾಮಹವಿಷ್ಣುನತೇ
ಜಯ ಭಾಸ್ಕರಶುಕ್ರಶಿರೋsವನತೇ ||
ಜಯ ಷಣ್ಮುಖಸಾಯುಧ ಈಶನುತೇ
ಜಯ ಸಾಗರಗಾಮಿನಿ ಶಂಭುನುತೇ |
ಜಯ ದು:ಖದರಿದ್ರವಿನಾಶಕರೇ
ಜಯ ಪುತ್ರಕಲತ್ರವಿವೃದ್ಧಿಕರೇ ||
ಜಯ ದೇವಿ ಸಮಸ್ತಶರೀರಧರೇ
ಜಯ ನಾಕವಿದರ್ಶಿನಿ ದು:ಖಹರೇ |
ಜಯ ವ್ಯಾಧಿವಿನಾಶಿನಿ ಮೋಕ್ಷಕರೇ
ಜಯ ವಾಂಛಿತದಾಯಿನಿ ಸಿದ್ಧಿಕರೇ ||
ಏತದ್ವ್ಯಾಸಕೃತಂ ಸ್ತೋತ್ರಂ
ಯ: ಪಠೇನ್ನಿಯತ; ಶುಚಿ: |
ಗೃಹೇ ವಾ ಶುದ್ಧಭಾವೇನ
ಪ್ರೀತಾ ಭಗವತೀ ಸದಾ ||
||ಇತಿ ಶ್ರೀ ಮದ್ವ್ಯಾಸಕೃತಂ ಶ್ರೀ ಭಗವತೀ ಸ್ತೋತ್ರಂ ಸಂಪೂರ್ಣಂ||
0 ಕಾಮೆಂಟ್‌ಗಳು