|| ಗುರು ಮಹಿಮಾ ಸ್ತುತಿ ||

 ರಚನೆ :

ಮಾಡಿದೈ ಶ್ರೀಗುರುವೆ ಮಾಡಿದೈ 

ಮಾಡಿದೈ ಶ್ರೀಗುರುವೆ ಮಾಡಿದೈ 

ಮಾಡಿದೈ ಶ್ರೀಗುರುವೆ ಮಾಡಿದೈ | |ಪ|| 

ತೊಡಗಿದ ಮರವೆಯ ಕೆಡಿಸಿ | ಮುನ್ನಿ | 

ನೊಡಲಿನ ತೊಡಕನು ಬಿಡಿಸಿ | 

ಕರ್ಮಕ್ಕೊಡೆಯದ ಕವಚವ ತೊಡಿಸಿ | ಮುಂದೆ | 

ಪೊಡವಿಯೊಳವ | ರೊಡಗೂಡಿ ಮಾಡುವ |

ಕೆಡುತನಗಳನೆಲ್ಲ | ಗುಡಿಸುವೊ ವೀರನ | 

ಮಾಡಿದೈ ಶ್ರೀಗುರುವೇ ಮಾಡಿದೈ | |1|| 

ಮರಣ ಭೀತಿಯ ಕೊಚ್ಚಿ ಕೇರಿ | ದೊಡ್ಡ | 

ಸುರಪದಂಗಳನೆಲ್ಲತೂರಿ | ದುಃಖ | 

ಬೆರೆಯದಾನಂದವ ತೋರಿ | ಮುಂದೆ | 

ದುರುಳರಂತರ ದುಃಖದುರಿ ಬಂದು ಕವಿದರು | 

ಕರಗದೆ ಕರಿಯ ಕಲ್ಲರೆಯಂತೆ ಚಿತ್ತವ || 

ಮಾಡಿದೈ ಶ್ರೀಗುರುವೆ ಮಾಡಿದೆ | |2| | 

ಬಂಧನ ಬಂದ ಬಗೆಯನು | ಕರ್ಮ | 

ದಿಂದದು ಕೆಡದ ಪರಿಯನು | ನಿಜಾ | 

ನಂದದೊಳಿರುವ ಸಾರವನು | ತೋರಿ |

ಸಂದಿಗೊಂದಿನೊಳಿರ್ದ ಸಂದೇಹಂಗಳ ಕೊಂದು | 

ತಂದೆ ಗುರು ಶಂಕರನೋಳ್‌ | 

ಹೊಂದಿ ಬೆಳಗುವಂತೆ | | ಮಾಡಿದೈ ||3||