ನರಸಿಂಹ ಬಂದ ನೋಡಿ ಸ್ವಾಮಿ - Narasimha Banda Nodi Swamy

|| ನರಸಿಂಹ ಸ್ತುತಿ ||

ನರಸಿಂಹ ಬಂದ ನೋಡಿ ಸ್ವಾಮಿ 

 ನರಸಿಂಹ ಬಂದ ನೋಡಿ ||ಪ||

 ಲಕ್ಷ್ಮೀ ನರಸಿಂಹ ಬಂದ ನೋಡಿ 

 ಉಗ್ರರೂಪವ ತಾಳಿ ಖಳನನ್ನು ಸದೆಬಡಿಯೆ 

 ಕಂಬದಿಂ ಹೊರಬಂದ ದೇವ ನೋಡಿ ||ಅ.ಪ||

 ಸನ್ಮಾರ್ಗದಲಿ ನಡೆವ ಸುಜನ ತಪಸಿಗಳೆಲ್ಲ

 ಕ್ರೂರಿ ಹಿರಣ್ಯಕನ ಬಾಧೆಯ ತಾಳದೆ 

 ಶ್ರೀಹರಿಯ ಧ್ಯಾನಿಸುತೆ ಮೊರೆಯಿಡಲು ತಾನಾಗ 

 ನರಸಿಂಹ ರೂಪವನು ತಾಳಿ ಕಂಬದಿ ಭರದಿ||೧||

 ಹರಿನಾಮ ತ್ಯಜಿಸೆಂದು ಬಲು ವಿಧದಿ ಶಿಕ್ಷಿಸಿ 

 ಕಂದ ಪ್ರಹ್ಲಾದನನು ನೋಯಿಸಲು ಪಿತನು 

 ಶ್ರೀಹರಿಯೆ ಗತಿ ನಮೋ ನಾರಾಯಣ ಎನಲು

 ತ್ವರಿತದಲಿ ಬಂದು ಸಂರಕ್ಷಿಸುತ ನಿಲ್ಲಲು ||೨||

 ಭುವಿಯೊಳಗೆ ನಾರಸಿಂಹನ ನಾಮವನು ಪಾಡಿ

 ಕೊಂಡಾಡಿ ಸೇವೆಯನು ಮಾಡುತಿರುವ

 ಭಕ್ತರನು ಕರುಣಿಪನು ಆನಂದ ವಿಠಲನು 

 ನಿರುತ ಸಲಹುತ ನಿಂದು ಭವ ಹರಿಪೆನೆಂದು ||೩||

 ಹಾಡಿಗಾಗಿ ಕೆಳಗಿನ ಲಿಂಕ್ ಕ್ಲಿಕ್ ಮಾಡಿ 

 https://www.facebook.com/100073572807787/posts/481486677647088/?mibextid=bgAApDAIfEsnpeLk