|| ಶೈಲಪುತ್ರಿ ಸ್ತುತಿ ||
ಜಯತು ಜಯತು ಜನನಿ ಜಯ ಶೈಲ ಪುತ್ರಿ
ತಾಯ ಆರಾಧನೆಗೆ ಬಂತು ನವರಾತ್ರಿ
ನಿನ್ನ ಕಣ್ಣಿನ ಪ್ರಭೆಯು ಜಗವ ಬೆಳಗಿರಲು
ಎಲ್ಲ ಮನದ ತಮವು ನಿನಗಂಜುತಿರಲು
ಅನ್ನ ವಸನಗಳು ನಿನ್ನದೇ ದಾನವಾಗಿರಲು
ಚಿನ್ನದಾರತಿ ಬೆಳಗಿ ಶಿರವ ಬಾಗುವೆನು ||೧||
ವೃಷಭ ವಾಹಿನಿ ತಾಯೇ ಶೂಲಧಾರಿಣಿಯೇ
ವಿಷ ಜನರ ವಶದಿಂದ ನನ್ನನ್ನು ಕಾಯೇ
ದೋಷಗಳ ಕಳೆಯಲು ನೀಗಲು ಮಾಯೆ
ಔಷಧವು ನಿನ್ನಯ ನಾಮ ಘೋಷಗಳೆ ||೨||
ನಿನ್ನ ಹೊರತು ಅನ್ಯ ಮಡಿಲಿಲ್ಲ ಎನಗೆ
ಎನ್ನ ಸಲಹುವ ಹೊಣೆಯ ಭಾರವಿದೆ ನಿನಗೆ
ಪನ್ನಗ ಶಯನ ಹರಿನೀಶ ಕೃಷ್ಣ ಸೋದರಿ
ನಿನ್ನ ಮಹಿಮೆಯ ಬೇಡೋ ದಯ ತಾರೆ ಎನಗೆ ||೩||
0 ಕಾಮೆಂಟ್‌ಗಳು