|| ಕಾಲ ಭೈರವ ಅಷ್ಟಕಮ್ ||
ದೇವರಾಜ-ಸೇವ್ಯಮಾನ-ಪಾವನಾಂಘ್ರಿ ಪಂಕಜಮ್‌
ವ್ಯಾಲಯಜ್ಞಸೂತ್ರಮಿಂದುಶೇಖರಂ ಕೃಪಾಕರಮ್‌ ।
ನಾರದಾದಿ-ಯೋಗಿವೃಂದ-ವಂದಿತಂ ದಿಗಂಬರಮ್‌
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ ॥೧॥
ಭಾನುಕೋಟಿ-ಭಾಸ್ವರಂ ಭವಾಬ್ಧಿತಾರಕಂ ಪರಮ್‌
ನೀಲಕಂಠಮೀಪ್ಸಿತಾರ್ಥದಾಯಕಂ ತ್ರಿಲೋಚನಮ್‌ ।
ಕಾಲಕಾಲಮಂಬುಜಾಕ್ಷ ಮಕ್ಷಶೂಲ್ಯಮಕ್ಷರಮ್‌
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ ॥೨॥
ಶೂಲಟಂಕಪಾಶದಂಡಪಾಣಿಮಾದಿಕಾರಣಮ್‌
ಶ್ಯಾಮಕಾಯಮಾದಿದೇವಮಕ್ಷರಂ ನಿರಾಮಯಮ್‌ |
ಭೀಮವಿಕ್ರಮಂ ಪ್ರಭುಮ್ ವಿಚಿತ್ರತಾಂಡವಪ್ರಿಯಮ್‌
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥೩॥
ಭುಕ್ತಿ-ಮುಕ್ತಿ-ದಾಯಕಂ ಪ್ರಶಸ್ತಚಾರುವಿಗ್ರಹಮ್‌
ಭಕ್ತವತ್ಸಲಂ ಸ್ಥಿರಂ ಸಮಸ್ತ ಲೋಕವಿಗ್ರಹಮ್‌ ।
ನಿಕ್ವಣನ್ಮನೋಜ್ಞ-ಹೇಮ-ಕಿಂಕಿಣೀ-ಲಸತ್‌ ಕಟಿಮ್‌
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ ೪
ಧರ್ಮಸೇತುಪಾಲಕಂ ತ್ವಧರ್ಮಮಾರ್ಗನಾಶಕಮ್‌
ಕರ್ಮಪಾಶಮೋಚಕಂ ಸುಶರ್ಮದಾಯಕಂ ವಿಭುಮ್‌ ।
ಸ್ವರ್ಣವರ್ಣಕೇಶಪಾಶ-ಶೋಭಿತಾಂಗ-ನಿರ್ಮಲಮ್‌
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ ೫
ರತ್ನಪಾದುಕಾ-ಪ್ರಭಾಭಿರಾಮ-ಪಾದಯುಗ್ಮಕಮ್‌
ನಿತ್ಯಮದ್ವಿತೀಯಮಿಷ್ಟ ದೈವತಂ ನಿರಂಜನಮ್‌ ।
ಮೃತ್ಯುದರ್ಪನಾಶನಂ ಕರಾಲದಂಷ್ಟ್ರ ಭೂಷಣಮ್‌
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ ೬
ಅಟ್ಟಹಾಸ-ಭಿನ್ನಪದ್ಮ ಜಾಂಡಕೋಶಸಂತತಿಮ್‌
ದೃಷ್ಟಿಪಾತ-ನಷ್ಟಪಾಪ-ಜಾಲಮುಗ್ರಶಾಸನಮ್‌ ।
ಅಷ್ಟಸಿದ್ಧಿದಾಯಕಂ ಕಪಾಲಮಾಲಿಕಾಧರಮ್‌
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ ೭
ಭೂತಸಂಘನಾಯಕಂ ವಿಶಾಲಕೀರ್ತಿದಾಯಕಮ್‌
ಕಾಶಿವಾಸಿ-ಲೋಕಪುಣ್ಯ-ಪಾಪಶೋಧಕಂ ವಿಭುಮ್‌
ನೀತಿಮಾರ್ಗಕೋವಿದಂ ಪುರಾತನಂ ಜಗತ್ಪತಿಮ್‌
ಕಾಶಿಕಾಪುರಾಧಿನಾಥ ಕಾಲಭೈರವಂ ಭಜೇ ॥ ೮
ಕಾಲಭೈರವಾಷ್ಟಕಂ ಪಠಂತಿ ಯೇ ಮನೋಹರಮ್‌
ಜ್ಞಾನಮುಕ್ತಿಸಾಧಕಂ ವಿಚಿತ್ರಪುಣ್ಯವರ್ಧನಮ್‌ ।
ಶೋಕ-ಮೋಹ-ಲೋಭ-ದೈನ್ಯ-ಕೋಪತಾಪ-ನಾಶನಮ್
ತೇ ಪ್ರಯಾಂತಿ ಕಾಲಭೈರವಾಂಘ್ರಿಸನ್ನಿಧಿಂ ಧ್ರುವಮ್||೯
ದಾಯಕಂ ಪ್ರಶಸ್ತಚಾರುವಿಗ್ರಹಮ್‌
ಭಕ್ತವತ್ಸಲಂ ಸ್ಥಿರಂ ಸಮಸ್ತಲೋಕವಿಗ್ರಹಮ್‌ ।
ನಿಕ್ವಣನ್ಮನೋಜ್ಯ-ಹೇಮ-ಕಿಂಕಿಣೀ-ಲಸತ್‌ ಕಟಿಮ್‌
ಕಾಶಿಕಾಪುರಾಧಿನಾಥಕಾಲಭೈರವಂ ಭಜೇ ॥ ॥೪॥
0 ಕಾಮೆಂಟ್‌ಗಳು