ಗುರು ಪಾದದೊಳು ಮನ ಬೆರೆಯಲಿಲ್ಲ -Guru padadolu mana bereyalilla

||ಗುರು ಸ್ತುತಿ||

Belaguru bhajan, belaguru swamiji, gurupadadolu mana lyrics in kannada

ಗುರುಪಾದದೊಳು ಮನ ಬೆರೆಯಲಿಲ್ಲಾ।

ಜನ್ಮ ಹರಿಯಲಿಲ್ಲಾ

ಸ್ಥಿರ ಮುಕ್ತಿ ಸುಖವದು ದೊರೆಯಲಿಲ್ಲಾ।

ಪಾಪಿ ಅರಿಯನಲ್ಲಾ ॥ಪಲ್ಲವಿ॥ 

ಜೀವ ಶಿವರಿಗೆ ಭೇದ ಮಾಡಬೇಡ।

ಅದ ನೋಡಬ್ಯಾಡ|

ಭಾವಿಸ ಕರ್ಮದೊಳು ಕೂಡಬ್ಯಾಡಾ।

ಓಡಾಡಬ್ಯಾಡ 

ಎರಡೆಂಬ ಭ್ರಾಂತಿಯು ಪೋಗಲಿಲ್ಲಾ |

ಜನ್ಮನೀಗಲಿಲ್ಲಾ|

ಗುರುಪಾದ ಸೇವೆ ಕೊನೆ ಸಾಗಲಿಲ್ಲಾ|

ಬ್ರಹ್ಮನಾಗಲಿಲ್ಲಾ ||2||

ತನ್ನಾ ಮರೆತು ತನುವ ತೊಳದರೇನೂ।

ಬೂದಿ ಬಳಿದರೇನೂ

ಭಿನ್ನಿಸಿಗೈವ ಧ್ಯಾನ ಬಲ್ತರೇನೂ।

ವೇದ  ಕಲ್ತರೇನೂ ||3||

ರೂಪು ನಾಮು ಬಿಟ್ಟ ಮೇಲೆ ಕೋಪವಿಲ್ಲಾ।

ಪುಣ್ಕಪಾಪವಿಲ್ಲ| ಆ 

ಪರಬ್ರಹ್ಮನೊಳು ತಾಪವಿಲ್ಲಾ

ಅಧ್ಯಾರೋಪವೆಲ್ಲಾ ||4||

ಸತ್ಯವರಿತ ಮೇಲೆ ನೀತಿಯಿಲ್ಲಾ ।

ಕುಲಜಾತಿ ಇಲ್ಲ

ಮಿಥ್ಯೆಯ ಕಳೆದ ಮೇಲೆ ರೀತಿಯಿಲ್ಲಾ 

ಲೋಕಭೀತಿಯಿಲ್ಲಾ ||೫||

ತಾನಾರು ಎಂಬುದ ತಿಳಿಯಬೇಕೂ| 

ಭೇದವಳಿಯಬೇಕೂ।

ನಾನತ್ವ ಭಾವವನಳಿಯಬೇಕು

ಜನ್ಮ ಕಳಿಯಬೇಕು॥6|| 

ಜ್ಞಾನವಿಲ್ಲದ ಬರಿ ಮೌನವೇಕೆ ಜಪಧ್ಯಾನವೇಕೆ।

ತಾನೇ ತಾನಾದ ಮೇಲೆ ಮಾನ ಬೇಕೆ

ಗಂಗಾಸ್ನಾನ ಬೇಕೆ ||7||

ಅಂಕನಿಲ್ಲದ ಮೇಲೆ ಚಿಂತೆಯಿಲ್ಲಾ

ಬೇರೆ ಶಾಂತಿಯಿಲ್ಲಾ।

ಭ್ರಾಂತಿಯ ಕಳೆದ ಮೇಲೆ ಪಂಥವಿಲ್ಲಾ

ತನ್ನಂತೆಯೆಲ್ಲಾ ||8|| 

ಅಂಗಾತಾನಾದಮೇಲೆ ಭಂಗವಿಲ್ಲಾ

ಪಾಪ ಸಂಗವಿಲ್ಲಾ |

ಅಂಗವ ಕಳೆದ ಮೇಲೆ ರಂಗನಿಲ್ಲ

ನರಸಿಂಗನಿಲ್ಲಾ ||9|| 

ಸಂಶಯವಳಿಯೆ ದೇಹ ಬುದ್ಧಿಯಿಲ್ಲ

ಜಗದ ಸುದ್ದಿಯಿಲ್ಲಾ।

ಸಂಸಾರ ದೊಳಗವನಿದ್ದು ಇಲ್ಲಾ

ಮುಂದೆ ಬದ್ಧನಲ್ಲಾ ||10|| 

ಗುರುಶಂಕರಾರ್ಯನ ಚರಣದಲ್ಲಿ

ಶಿರವನಿರಿಸಿದಲ್ಲಿ|

ಮರಳಿ ಜನ್ಮಿಸನೀ ಧರಣಿಯಲ್ಲಿ

ಬೆರೆವ ಪರಮನಲ್ಲಿ ॥11||