|| ಲಕ್ಷ್ಮಿ ಹಾಡು ||
ಹರಿಯ ಪಟ್ಟದ ರಾಣಿ ವರದೆ ಕಲ್ಯಾಣೀ
ಉರುಗುಣ ಗಣಶ್ರೇಣಿ ಕರುಣಿ
ಶಿರದಿ ನಿನ್ನಯ ದಿವ್ಯ ಚರಣಕಮಲಕೆ
ನಾನು ಎರಗಿ ಬಿನ್ನೈಪೆ ತಾಯೆ ಸುಖವೀಯೆ ॥ ಪ ॥
ವನಜಸಂಭವ ಮುಖ್ಯ ಅನಿಮಿಶೇಷರ ಸ್ತೋಮ
ದಿನದಿನ ನೀ ಪೊರೆವೇ ಘನಮಹಿಮಳೆ
ಮನುಜರಾಧಮನೆಂದು ಮನಸಿಗೇ ನೀ ತಂದು
ಕನಕ ವೃಷ್ಟಿಯ ಸುರಿದು ಪೊರೆಯೇ ಧ್ವರಿಯೇ|| ೧॥
ಸೃಷ್ಟಿಕಾರಿಣಿ ನೀನೆ ಕಷ್ಟ ತರಿದು ಕೃಪಾ--
ದೃಷ್ಟಿ ಯಿಂದಲಿ ನೋಡಿ ಸಲಹೆ ಮಾತೆ
ಇಷ್ಟದಾಯಕ ಸಿರಿ ಕೃಷ್ಣನರಸಿಯೆ
ಇಷ್ಟು ವಿಧದಿ ಬೇಡಿಕೊಂಬೆ ನಿನ್ನ ಅಂಬೆ ॥ ೨॥
ಖ್ಯಾತಮಹಿಮಳೆ ಎನ್ನ ಮಾತು ಲಾಲಿಸು ದೇವಿ
ಪೋತ ನಾನಲ್ಲೆ ನಿನಗೆ
ದಾತ ಗುರು ಜಗನ್ನಾಥವಿಠ್ಠಲ ನಿನ್ನ
ನಾಥನಾಗಿ ಭಾಗ್ಯ ಪಡೆದ ಜಸ ಪಡೆದಾ ॥ ೩ ॥
0 ಕಾಮೆಂಟ್‌ಗಳು