|| ಹನುಮ ಸ್ತುತಿ ||
ಶ್ರೀ ಶ್ರೀ ಬಿಂದುಮಾಧವ ಸ್ವಾಮಿ ವಿರಚಿತ
ಎಂಥ ಚೆಲುವ ನಮ್ಮ ಹನುಮ,
ಎಂಥ ಸುಗುಣಿಯಮ್ಮ
ಅಂಥ ಇಂಥ ಹರಿಯಲ್ಲ ಈತ
ಅತ್ಯಂತ ಜ್ಞಾನಿಯಮ್ಮ || ಎಂಥ ಚೆಲುವನಮ್ಮ
ಜಾಂಬವಂತನಂತೆ,
ಆತನ ಮಾಡಿನಂತೆ ಹನುಮ
ಬೆಟ್ಟ ಹತ್ತಿ ಬಂಡೆಗಳಸೀಳಿ
ಗಗನಕ್ಕೆ ನೆಗೆದನಮ್ಮ || ಎಂಥ ಚೆಲುವನಮ್ಮ
ಲಂಕೆ ಸೇರಿಬಿಟ್ಟ
ಕಪಿವರ - ತಾಯ ಹುಡುಕುತಿದ್ದ
ರಾಮನಾಮ, ಮನೆಯೊಂದರಲ್ಲಿ,
ತಾ ಕೇಳಿ ಚಕಿತನಾದ || ಎಂಥ ಚೆಲುವನಮ್ಮ,
ಸೀತೆಯನ್ನು ಅರಸಿ -
ಬಂದನೆ - ಶೋಕ-ಹರಿಪ-ವನಕೆ
ತಾಯ ಕಂಡು - ಬಲು ಹರ್ಷಗೊಂಡು
ಕುಣಿದಾಡಿ ಬಿಟ್ಟ ಮನದಿ || ಎಂಥ ಚೆಲುವನಮ್ಮ,
ಕಣ್ಣುತೇವಗೊಂಡು
ಮೆಲ್ಲನೆಅಮ್ಮ - ಎಂದ ಧೀರ,
ರಾಮಕಥೆಯ - ಪಿಸು ಮಾತಲರುಹಿ
ಕೃತ ಕೃತನಾದ ವೀರ || ಎಂಥ ಚೆಲುವನಮ್ಮ,
ಅಕ್ಷಯನ್ನ ಸದೆದು.
ಬ್ರಹ್ಮನ. ಅಸ್ತ್ರವೆನಲು ಮಣಿದ
ರಾವಣನ್ನ ಸಭೆಯಲ್ಲಿ ನಿಂದು
ನೀ ಕೆಟ್ಟೆ - ದುಷ್ಟ - ಎಂದ || ಎಂಥ ಚೆಲುವನಮ್ಮ
ಬಾಲಕ್ಕೆ ಬಟ್ಟೆ ಕಟ್ಟಿ
ಬೆಂಕಿಯ ಹಚ್ಚಿ ಎಣ್ಣೆ ಸುರಿದು
ಬಟ್ಟೆಯಿತ್ತ ಮನೆ ಮನೆಗು ಬೆಂಕಿ
ರೋಷದಲಿ ಹನುಮ ಉರಿದ||ಎಂಥ ಚೆಲುವನಮ್ಮ
ಕಂಡೆ, ತಾಯ - ಅಲ್ಲಿ
ಅಂದು - ರಾಮಪಾದಕೆರಗೆ,- (ಪ್ರಭು)
ಸೇತು ಕಟ್ಟಿ ಸಾಗರನ ದಾಟಿ -
ಹರಿಸೇನೆ ಲಂಕೆಯಿಡೆಗೆ || ಎಂಥ ಚೆಲುವನಮ್ಮ
ದೈತ್ಯರನು ಬಡಿದ -
ರಾವಣ ಯೋಧರನ್ನು ತರಿದ,
ಇಂದ್ರಜಿತ್ತು - ಆ ಕುಂಭಕರ್ಣ
ಯಮಸದನ ಸೇರೆ ನಲಿದ || ಎಂಥ ಚೆಲುವನಮ್ಮ
ಲಕ್ಷ್ಮಣನ್ನ ಉಳಿಸೇ
ಸಂಜೀವನಾದ - ಅಮಮ |।
ರಾವಣನ್ನ, ಶ್ರೀರಾಮ ಸಿಗಿಯೆ,
ಕುಣಿದಾಡಿಬಿಟ್ಟ ಹನುಮ || ಎಂಥ ಚೆಲುವನಮ್ಮ
ರಾಮ ಸೀತೆ ಮತ್ತೆ | ಸೇರಲು ಕಾರಣಾದ ಭೂಪ
ನಲಿದು ನಲಿದು ಬೆಲಗೂರು ಸೇರಿ
ಆಗಿಹನು ಬಿಂದು ರೂಪ || ಎಂಥ ಚೆಲುವನಮ್ಮ
0 ಕಾಮೆಂಟ್‌ಗಳು