|| ತತ್ವ ಪದ ||
ರಚನೆ : ಶ್ರೀ ಶ್ರೀ ಶ್ರೀ ಬೆಲಗೂರು ಬಿಂದುಮಾಧವ ಶರ್ಮ ಗುರುಗಳು
 |
| kannadabhajanlyrics.com |
ಏನು ಮರುಳನಾದೆ
ಶಿವ ಶಿವ ಎಂಥ ಮರುಳನಾದೆ
ಹಲುವು ಜನ್ಮಗಳ ಎತ್ತಿ ಬಂದರೂ
ತನ್ನ ತಿಳಿಯದ್ಹೋದೆ ,
ಶಿವ ಶಿವ ಏನು ಮರುಳನಾದೆ||
ಸಾವ ತನಕ ಕಾಯಾ,
ಶಿವ ಶಿವ ಕಾಯೊ ಕೆಲಸವಾಗಿ
ಮಾಯೆಯಾಟದಲಿ ಸಿಲುಕಿ ಕೂಪದಲಿ
ನಿನ್ನ ಮರೆತುಹೋದೆ
ಶಿವ ಶಿವ ನಿನ್ನ ಮರೆತುಹೋದೆ ||
ಗಿರಕಿಯಾಟವಾಡೆ
ಶಿವ ಶಿವ ಜಗಕೆ ಬಂದೆನಲ್ಲ
ಅಲೆದು ಅಲೆದು ಬುವಿಯೆಲ್ಲ ಸುತ್ತಿ ಮರುಳಾಗಿ ನಿಂತೆನಲ್ಲ
ಶಿವ ಶಿವ ನಿನ್ನ ತೊರೆದೆನಲ್ಲ| |
ತಂದ ಎಲ್ಲವೆಲ್ಲ
ನಾಯಿಯ ತಲೆಯ ಬುತ್ತಿಯಣ್ಣ
ಪುಣ್ಯ ಬಿದ್ದು ಮಣ್ಣಾಗೊ ಮೊದಲು
ಶಿವನರಸಬೇಕು ಅಣ್ಣ ಸುಮ್ಮನೆ ಕೂರಬೇಡ ಅಣ್ಣ ||
ಹೊಟ್ಟೆ ಕಿಚ್ಚಿನಿಂದ
ಇತರರ ಗಂಟ ಬಯಸಿ ಬಿಟ್ಟೆ
ಕಂಡ ಕಂಡ ಜನರೆಲ್ಲ ಜರೆದು
ಮಾತ್ಸರ್ಯ ತಾಳಿಬಿಟ್ಟಿ
ಶಿವ ಶಿವ ಮೋಸ ಮಾಡಿಬಿಟ್ಟೆ ||
ಹಗಲುರಾತ್ರಿ ಎನದೇ
ಸತತವು ದೇಹ ದಣಿಸಿಬಿಟ್ಟೆ
ದೇಹ ದಣಿಸಿ ನನ್ನನ್ನೇ ಮರೆತು ಈ
ಕಾಣ್ಕೆ ಸತ್ಯವೆಂದೆ
ಶಿವ ಶಿವ ದೂರ ನಾನು ಬಂದೆ ||
ಭಸ್ಮ ಧರಿಸಲಿಲ್ಲ ಹಣೆಯಲಿ,
ಗಂಧ ಹಚ್ಚಲಿಲ್ಲ ನಾಮ ಜಪಕೆ ಸಾಧನವು ಆದ
ಜಪಮಾಲೆ ಹಿಡಿಯಲಿಲ್ಲ
ಶಿವ ಶಿವ ಮಾಯೆ ತುಂಬಿತಲ್ಲ||
ಸಂತ ಜನಗಳನ್ನು ಅರಿಯದೆ ಭ್ರಾಂತನಾದೆನಲ್ಲ
ಸಾರ್ಥ ಬದುಕು ಅರ್ಥಕ್ಕೆ ಸಿಲುಕಿ
ನಿಶ್ಶೇಷವಾಯಿತಲ್ಲ ಒಂದೂ ಅರ್ಥವಾಗಲಿಲ್ಲ||
ಎಂಥಾ ಮನುಜನಾದೆ ಶಿವನೇ
ಎಂಥಾ ಮನುಜನಾದೆ
ಎಷ್ಟು ಜನ್ಮ ನಾನೆತ್ತಿ ಎಂದರೂ
ಕೊಟ್ಟು ಕಲಿಯದಾದೆ ದಾನವ ಬಿಟ್ಟು ಭ್ರಷ್ಟನಾದೆ ||
ಹನುಮನಿರುವ ಅಲ್ಲಿ ಶ್ರೀ ಬೆಲಗೂರ ನಡುವಿನಲ್ಲಿ
ಪವನ ಪುತ್ರ ಶ್ರೀ ನಾಮ ಬಿಟ್ಟೆ
ನಾ ಬಿಂದುವರಿಯಲಿಲ್ಲ ನಾನೇ ಅಡ್ಡಿಯಾದೆನಲ್ಲ||
0 ಕಾಮೆಂಟ್‌ಗಳು