|| ರಾಮ ಸ್ತುತಿ ||
ರಚನೆ : ಶ್ರೀ ವಿದ್ಯಾಸಾಗರ ಮಾಧವ ತೀರ್ಥರು
ರಾಗ : ಹಿಂದೋಳ
ಎಷ್ಟು ಚೆಲುವನೋ ರಾಮ ನೀನೆಷ್ಟು ಚೆಲುವ
ವೀರ ರಾಮನೆಷ್ಟು ಚೆಲುವನೋ ರಘುವರ
ರಾಮ ರಾಮ ವೀರ ರಾಮ ರಾಮ ರಾಮ ವೀರ ರಾಮ।
ಅರುಣಾ ಕಿಸಲಯಗಲು ಚರಣಂಗುಳಿಗಳು |
ಹವಳದಂತೆ ಹೊಳೆಯುವ ನಖಾವಳಿಗಳು |
ಶಿಲೆಯ ಬಾಲೆ ಚೆಲುವೆಯ ಮಾಳ್ದ ಶ್ರೀ ಪಾದಗಳು |
ಸಿರಿ ತೊಡೆಯ ಮೇಲರಳುವ ತಾವರೆ ಸುಮಗಳು||೧.
ರಾಗ: ಕಾಪಿ
ದತ್ತಿ ಕಟ್ಟಿದ ಪಟ್ಟು ವಸ್ತ್ರದ ವಿಲಾಸ |
ಕಾಣಲಾಶ್ಚರ್ಯ ಕಟಿ ಬದ್ಧ ಕನಕ ಖಡ್ಗ ||
ಕಮಲ ಸಂಭವ ಮಣಿ ಹಾರ ಕಂಠದಿಂದ
ಬಾಣ ತೂಣೀರು ಚಾಪಾಡ್ಯ ಬಾಹು ಯುಗ್ಮ||೨.
ರಾಗ : ಮೋಹನ
ಶಾರದೇಂದು ಚಂದ್ರಿಕೆ ಪರಿಚರ್ಯಕಿಳಿವ
ಮಂದಹಾಸ ಸುಂದರ ಮುಖದಂದದ ಝರಿ
ಒಂದು ಬಾರಿ ನೋಡಿದರೆ ಮತ್ತೊಂದು ಬಾರಿ
ನೋಡಿ ನೋಡಿದರು ದಣಿವು ಮಾಡದ ಅಂದ||೩.
ರಾಗ : ಕಲ್ಯಾಣ ವಸಂತ
ಅಂಗುಲಿಗಳಿಗೆ ಬಂಗಾರದ ಉಂಗುರಗಳು
ಬಾಣ ಬಿಲ್ವಿಡಿದಂಗುಳಿ ಭಂಗಿಮೆಗಳು
ಬಗೆಬಗೆ ಹೊಸ ವಿಲಾಸದ ಮುಗುಳು ನಗುವು
ಅರಳಿದ ಬೆಳದಿಂಗಳು ಅಧರದಾ ಝಗೆ ||೪.
ರಾಗ : ಅಭೋಗಿ
ಲೋಹ ಮಯ ರೂಪದಲ್ಲಿಯೂ |
ಮೋಹ ಗೊಳಿಪ ನೂತನವದು ||
ನೂತನವದು ಮಾತುಗಳಿಗು ಮಾನಸಕ್ಕು |
ಜ್ಞಾನ ಶಕ್ತಿಗು ನಿಲುಕದೋ ನಿನ್ನ ಚೆಲುವು ||
ರಾಗ : ಬೃಂದಾವನಿ
ನಾರಿಯರ ನಾಚಿಸುವ ಚೆಲ್ವು |
ಮಾರನೋಡಿ ಮೋರೆ ತಗ್ಗಿಸಿ ಹೋಗುವ ಧೀರ ಚೆಲುವು||
ಸೀರಜಾತೆಗೆ ಮುಡುಪಾಗಿ ಧಾರೆ ಎರೆದ |
ಪಾರುಗಾಣದಪಾರ ದಾಂಪತ್ಯ ಚೆಲುವು ||೬||
ರಾಗ : ಹಿಂದೋಳ
ಸೌಖ್ಯ ಯೋಶಿದ್ರಮಣ ನಿನ್ನಲೇ ಐಕ್ಯ ಚೆಲುವು |
ವ್ಯಾಖ್ಯ ಮಾಡಲಸಾಧ್ಯ ಅವ್ಯಾಹೃತವದು
ಮುಖ್ಯ ಶಬ್ದಾಭಿಮಾನಿಗು | ಮೋಹಕವದು॥
ಸೌಖ್ಯಮಯ ಸುಂದರಾಕಾರ ಶ್ಯಾಮಲಾಂಗ ||೭||
0 ಕಾಮೆಂಟ್‌ಗಳು