||ಹನುಮಸ್ತುತಿ ||
ಸದ್ಗುರು ಬಿಂದು ಮಾಧವರ ಕೃತಿ
ತಾಳ :ಆದಿ
ರಾಗ : ಉದಯರವಿಚಂದ್ರಿಕೆ
 |
| kannadabhajanlyrics.com |
॥ ಓಡುತ ಬಾರೋ|ನಲಿಯುತ ಬಾರೋ ।
ದೇವ ಮಾರುತಿ|| ಆಡಿ ಪಾಡಿ|ಬೇಡುವೆ ನಿನ್ನ|
ದಿವ್ಯ ಮಾರುತಿ॥ ॥ ಮಾರುತಿ ||
ನಿನ್ನಯ ಸೇವೆಯ ಮಾಡುತಲಿರುವೆ ನೀಡು ಶುಭಮತಿ||
ಎಮಗೆ ನೀಡು ||
ಬಡತನವಾಗಲಿ|ಸಿರಿತನವಾಗಲಿ|ನಿನ್ನ ಮರೆಯದೇ||
ಕಿರಿತನವಿರಲಿ|ಹಿರಿತನವಿರಲಿ|ಧ್ಯಾನ ತೊರೆಯದೇ||
ಮೋಹವ ಮರೆವ|ನಿನ್ನನು ಅರಿವಾ|ಮತಿಯ ಕರುಣಿಸು॥
ಹನುಮಾ । ಮತಿಯ ಕರುಣಿಸು||ಓಡುತ ಬಾರೋ||
ಗಂಧದ ಕಡ್ಡಿ ಉರಿಯಲು ತಾನು|ಧೂಪ ಕೊಡುವುದು।
ಎಣ್ಣೆಯ ಬತ್ತಿ ಉರಿಯುತ ತಾನು|ಜ್ಯೋತಿ ಎನಿಪುದು॥
ಅಂತಹ ನಿರ್ಮಲ ಸೇವೆಯ ಗೈವಾ|ಮತಿಯ ಕರುಣಿಸು॥
ಹನುಮಾ|ಮತಿಯ ಕರುಣಿಸು||ಓಡುತ ಬಾರೋ ॥
ಸೂತ್ರದ ಗೊಂದೆ ನಾನಾಗಿಹೆನು|ರಾಮದಾಸನೇ ॥
ಸೂತ್ರವ ಪಿಡಿದು|ಆಡಿಸುತಿರುವೆ|ಎನ್ನ ದೇವನೇ ॥
ನೀ ಕೈ ಬಿಡದಿರು ಬೆಲಗೂರ ಹನುಮ|ಕೋಟಿ ವಂದನೆ||
ನಿನಗೆ ಕೋಟಿ ವಂದನೆ ॥ ಓಡುತ ಬಾರೋ
0 ಕಾಮೆಂಟ್‌ಗಳು