ಆರತಿ ಹಾಡು - ಪಂಕಜ ಮುಖಿಯರೆಲ್ಲರು ಬಂದು ಲಕ್ಷ್ಮೀ ವೇಂಕಟರಮಣನಿಗಾರುತಿ ಎತ್ತೀರೇ

|| ಆರತಿ ಹಾಡು ||

ಪಂಕಜ ಮುಖಿಯರೆಲ್ಲರು ಬಂದು ಲಕ್ಷ್ಮೀ

ವೇಂಕಟರಮಣನಿಗಾರುತಿ ಎತ್ತೀರೇ...... |

ಮತ್ಸ್ಯವತಾರಗೆ ಮಂದರೋದ್ಧಾರಗೆ

ಅಚ್ಚರಿಯಿಂದ ಭೂಮಿಯ ತಂದವಗೇ.....|

ಪೆಚ್ಚಾದ ಉಕ್ಕಿನ ಕಂಭದಿಂದಲಿ ಬಂದ

ನರಸಿಂಹನಿಗಾರುತಿ ಎತ್ತೀರೇ...|| 

ವಾಮನ ರೂಪಿಲಿ ದಾನವ ಬೇಡಿ

ಪ್ರೇಮದಿ ಕೊಡಲಿಯ ಪಿಡಿದವಗೇ... |

ರಾಮಚಂದ್ರನಾಗಿ ದಶಶಿರನಾ ಕೊಂದ

ಶ್ರೀ ಕೃಷ್ಣನಿಗಾರುತಿ ಎತ್ತೀರೇ....||

ಬತ್ತಲೆ ನಿಂತ ಬೌದ್ಧವತಾರಗೆ 

ಉತ್ತಮ ಹಯವನ್ನೇರಿದಗೇ ।

ಭಕ್ತರ ಸಲಹುವ ಪುರಂದರವಿಠಲಗೆ

ಮುತ್ತೈದೆಯರಾರುತಿ ಎತ್ತೀರೇ...||