|| ತುಳಸಿ ಹಾಡು ॥
ಸ್ಮರಿಸುವೆ ಸ್ಮರಿಸುವೆ ತುಳಸೀ ದೇವಿಯ ||ಪ||
ಬೃಂದಾವನದೊಳು ಚಂದದಿ ನೆಲಸಿಹ||ಅ.ಪ.||
ಅರಿಸಿನ ಕುಂಕುಮ ಚಂದನ ಚರ್ಚಿತ |
ಬಿಂಕದ ಗೋವಿಂದನ ಪ್ರೀತಿಯ ಸಖಿ ॥
ಭಾಗ್ಯವ ಕೊಡುವಳೆ ಭಾವದಿ ಭಜಿಸುವೆ ।
ಮಂಗಳೆಯರ ಮನದಂಗಳದೊಳಗಿರು ॥
ಪಾಪವ ಕಳೆಯುವ ತೀರ್ಥ ಸ್ವರೂಪಿಯೇ |
ಮನಶುಚಿ ಮಾಡಿ ಮದವನು ತೊಲಗಿಸು ॥
ಮುತ್ತಿನ ಆರತಿ ನಿನಗೆತ್ತುತ್ತಿಹ - |
ಮುತ್ತೈದೆಯರ ಮುತ್ತಲಿ ಸುಖ ಸಂಪದ ॥
ರುಕ್ಮಿಣಿಗೊಲಿದಾ ಕೃಷ್ಣನ ತೂಗಿದ |
ಪಾವನ ಕೋಮಲ ದಳ ಶ್ರೀ ತುಳಸಿ ॥
0 ಕಾಮೆಂಟ್ಗಳು