|| ದೇವರು ಬಂದದ್ದು ||
ಗರುಡ ಗಮನ ಬಂದನೋ ನೋಡಿರೋ
ಬೇಗ ಗರುಡ ಗಮನ ಬಂದನೋ ||ಪ॥
ಗರುಡ ಗಮನ ಬಂದ ಧರಣಿಯಿಂದೊಪ್ಪುತ
ಕರೆದು ಬಾರೆನ್ನುತ ವರಗಳ ಬೀರುತ ||ಅ.ಪ.||
ಎನ್ನ ರಕ್ಷಿಪ ದೊರೆ ಇಲ್ಲಿಗೆ ತಾ ಬಂದ |
ಚಿನ್ನವ ಪೋಲುವ ವಿಹಂಗದ ರಥದಲ್ಲಿ |
ಘನ್ನ ಮಹಿಮ ಬಂದ ಅಬಿನ್ನ ಮೂರುತಿ ಬಂದ
ಸಣ್ಣ ಕೃಷ್ಣ ಬಂದಾ ಬೆಣ್ಣ ಕಳ್ಳ ಬಂದ ॥೧॥
ಪಕ್ಷಿವಾಹನ ಬಂದ ಲಕ್ಷ್ಮೀಪತಿಯು ಬಂದ ।
ಕುಕ್ಸಿಯೊಳಗೆಜಗವ ಇಟ್ಟವತಾಬಂದ ॥
ಸೂಕ್ಷ್ಮ ಸ್ಥೂಲದೊಳು ಇಪ್ಪನು ತಾ ಬಂದ ।
ಸಾಕ್ಷಿಭೂತ ಅವ ಸರ್ವೇಶ್ವರ ಬಂದ ||೨||
ತಂದೆ ಪುರಂದರವಿಠಲ ರಾಯಬಂದ |
ಬಂದು ನಿಂದು ನಲಿದಾಡಿದನೊ ।
ಸಿಂಧುಶಯನ ಬಂದ ಅಂದು ಸಾಂದೀಪನ |
ನಂದನ ತಂದಿತ್ತ ಆನಂದ ಮೂರುತಿಬಂದ ॥೩||
0 ಕಾಮೆಂಟ್‌ಗಳು