|| ತತ್ವ ವಿಚಾರ ಪ್ರಕರಣ ||
 |
| kannadabhajanlyrics.blogspot.com |
ಶಿವ ಜೀವರು ಎಂದೆರಡಿಲ್ಲಾ |
ಪರಶಿವಮಯವೇ ಈ ಜಗವೆಲ್ಲಾ |
ಭವ ಕಾನನವನು ದಹಿಸುವ ಮಂತ್ರವ |
ಭುವನದಿ ಗುರುಪುತ್ರನೆ ಬಲ್ಲ ॥ಪ॥
ದಾನವ ಮಾಡಿದರೇನುಂಟು
ಬರಿ | ಮೌನದೊಳಿರ್ದೊಡದೇನುಂಟು |
ಜ್ಞಾನದಿ ವಸ್ತುವನರಿತೊಡೆ ಸಾಕು।
ಪಮಾನಕೆ ಸಿಲುಕದ ಸುಖವುಂಟು ||೧||
ನದಿಯೊಳು ಮುಳುಗಿದರೇನುಂಟು |
ಬಳಿ। ಕದರಿಂ ನಡುಗುವ ಛಳಿಯುಂಟು।
ಸದಮಲ ವಸ್ತುವೆ ತಾನೆಂದರಿತೊಡೆ |
ಅದು ನಿತ್ಯಾನಂದದ ಗಂಟೂ || ೨ ||
ವೇದಗಳೋದಿದರಲ್ಲೇನು। ಬಿಳಿ।
ಬೂದಿಯ ಬಳಿದರು ಯಮ ಬಿಡನು |
ಭೇದವು ತೋರದೆ ವಿಮಲ ಜ್ಞಾನವ।
ಸಾಧಿಸಿದರೆ ಶಿವನಾಗುವನೂ ||೩||
ಉತ್ತಮ ಕರ್ಮವ ಗೈದವರೂ। ಕೇಳ್‌।
ಮತ್ತೀ ಧರಣಿಗೆ ಬರುತಿಹರು |
ಸತ್ಯದ ಮರ್ಮವನರಿತಿಹ ಧೀರರು |
ನಿತ್ಯಾನಂದದಿ ಬೆರೆಯುವರೂ ||೪||
ದೇಶವ ಸುತ್ತಿದರೇನಿಲ್ಲ ಭವ।
ಕಾಶಿಯೊಳಿದ್ದರೂ ಬಿಡದಲ್ಲ।
ಈ ಸಕಲವು ಪುಸಿಯೆಂದರಿತೊಡೆ।
ಜಗದೀಶನೆ ತಾನಾಗುವನಲ್ಲ ||೫||
ನಂದನರಿಂದಲು ಭವ ಕೆಡದು |
ಸಂಧ್ಯಾ | ವಂದನೆ ನಿಜಮುಕ್ತಿಯ ಕೊಡದು |
ಕುಂದದೆ ಶಿವ ತಾನೆಂದರಿತೊಡೆ।
ಆನಂದವು ಬೇಡೆಂದರು ಬಿಡದೂ ||೬||
ಉರುತರ ಕರ್ಮವ ಗೈದವರೂ। ಕೇಳ್‌।
ಪರಿಪರಿ ಯಜ್ಞದ ದೀಕ್ಷಿತರು |
ಮರವೆಯು ತೋರದೆ | ನಿಜಸುಖದೊಳಗಿಹ।
ಗುರುಪುತ್ರರ ಪದ ಕಿಂಕರರೂ ||೭||
ಘಂಟೆಯ ಬಡಿದರು ಗುಡಿಯಲ್ಲಿ | ಯಮ।
ಭಂಟರು ಬೇರೆ ಬಿಡರಿಲ್ಲಿ |
ಕಂಟಕವೆನಿಸಿದ ಮಾಯೆಯ ಕಳೆದರೆ।
ಗಂಟಾಗುವುದದು ಪರದಲ್ಲಿ ||೮||
ಎರಡೆಂಬುವನಿಗೆ ಕಡೆಯಿಲ್ಲ | ಈ ।
ಧರಣಿಗೆ ಬರುವುದು ಬಿಡದಲ್ಲ
ಗುರು ಶಂಕರನಡಿಗಳ ಹಿಡಿದವರಿಗೆ!
ಮರಳೀ ಸಂಸ್ಕೃತಿ ಭಯವಿಲ್ಲ ॥ ೯ ||
0 ಕಾಮೆಂಟ್‌ಗಳು