|| ಮಾರುತಿ ಭಜನೆ ||
 |
| kannadabhajanlyrics.blogspot.com, belaguru Swamiji images |
ಮಾರ್ಗವ ತೋರೋ ಮಾರುತಿರಾಯ
ರಾಮರ ಪಾದಕ್ಕೆ ಸೀತಾರಾಮರ ಪಾದಕ್ಕೆ ||ಪ||
ನಿತ್ಯದಿ ನಿನ್ನ ಪೂಜಿಪೆ ನಾನು |
ಭಕ್ತಿಯ ಮನಕೆ ನೀಡುತ ನೀನು ||
ರಾಮರ ಪಾದಕ್ಕೆ ಸೀತಾರಾಮರ ಪಾದಕ್ಕೆ||೧||
ಒಳಗಡೆ ರಾಮರ ಇರಿಸಿದೆ ನೀನು
ಹೊರಗಡೆ ರಾಮರ ಭಜಿಸುವೆ ನಾನು
ಹೊರಗು ಒಳಗು ಎಲ್ಲೆಡೆ ಬೆಳಗುವ
ರಾಮರ ಪಾದಕ್ಕೆ ಸೀತಾರಾಮರ ಪಾದಕ್ಕೆ||೨||
ದಾಸ್ಯ ತನದಲಿ ರಾಮರ ಮೆಚ್ಚಿಸಿ
ಹಾಸ್ಯವ ಮಾಡಿದೆ ರಾವಣನಳಿಸಿ
ಈಶನ ಪದವಿಯ ಸುಲಭದಿ ಕೊಡುವ
ರಾಮರ ಪಾದಕ್ಕೆ ಸೀತಾರಾಮರ ಪಾದಕ್ಕೆ||೩||
ಧೀರತನದಲಿ ದುರುಳರ ಹೊಡೆದು
ಶೂರತನದಲಿ ಗುಡ್ಡವನೆತ್ತಿ
ವೀರ ಹನುಮನೆ ಕರುಣಿಸು ನೀನು
ರಾಮರ ಪಾದಕ್ಕೆ ಸೀತಾರಾಮರ ಪಾದಕ್ಕೆ||೪||
ಕನಸಲಿ ಬಂದು ದರುಶನ ಕೊಟ್ಟು
ಮನಸಿಗೆ ಹೇಳಿದ ರಾಮರ ಮಂತ್ರವ
ದಿನದಿನ ಪಠಿಸುವ ಇನಕುಲ ತಿಲಕನೆ
ರಾಮರ ಪಾದಕ್ಕೆ ಸೀತಾರಾಮರ ಪಾದಕ್ಕೆ||೫||
ಹನುಮನು ನುಡಿಸಿದ ನುಡಿಯನು ಹೇಳಿ
ಘನತರ ಪಾಪವ ಕ್ಷಣದಲಿ ನೀಗಿ
ದಿನಕರ ಕೋಟಿ ತೇಜದಿ ಹೊಳೆಯುವ
ರಾಮರ ಪಾದಕ್ಕೆ ಸೀತಾರಾಮರ ಪಾದಕ್ಕೆ||೬||
0 ಕಾಮೆಂಟ್‌ಗಳು