ಸುಂದರಿ ಮಣಿ ಪೀಠಕೆ ಬಾರೆ - Sundari Mani Peetake Baare

|| ಲಕ್ಷ್ಮಿ ಹಾಡು ||

ಸುಂದರಿ ಮಣಿ ಪೀಠಕೆ ಬಾರೆ

ಸುಂದರಾಂಗನ ರಾಣಿ||ಪ||

ಎತ್ತಲು ನೋಡಲು ಸುತ್ತಲು ಮಲ್ಲಿಗೆ

ಲತೆಗಳು ಶೋಭಿಪವು ಪುತ್ಥಳಿಯಂತೆ ಚಿತ್ರವ

ಬರೆದಿಹ ಮುತ್ತಿನ ಪೀಠಕೆ ಬಾ ಬಾ ||೧||

 ಮಲ್ಲೆಯು ಮಲ್ಲಿಗೆ ಒಳ್ಳೆಯ ಸಂಪಿಗೆ

 ಸಲ್ಲಲಿಸುತ ಶೋಭಿಪವು

 ವಲ್ಲಭ ರಾಜನ ವಲ್ಲಭೆ ನೀನು ಮೆಲ್ಲನೆ

 ಹೆಜ್ಜೆ ಇಡುತ್ತ ಬಾ ಬಾ ||೨||

 ಮಡದಿಯರೆಲ್ಲರು ಸಡಗರದಿಂದಲಿ

 ನಡೆಮುಡಿ ಹಾಸುತಲಿಹರು

 ಒಡೆಯ ಪತಿ ಶ್ರೀ ಉಡುಪಿಯ ಕೃಷ್ಣನ

 ಮಡದಿ ಪೀಠಕೆ ಬಾ ಬಾ ||೩||