ಆರುತಿ ಬೆಳಗಿರೆ ಮಾರಮಣಗೆ - Aruti Belagire Maramanage

 || ಮಹಾಲಕ್ಷ್ಮೀ ಆರತಿ ಹಾಡು ||

ಆರುತಿ ಬೆಳಗಿರೆ ಮಾರಮಣಗೆ ವರನಾರಿಯರು

ಎಂಬಂತೆ ಆರತಿ ಬೆಳಗಿರೆ ನಾರಿಯರು ಬೇಗ |

ಅದಿ ಕೊಲ್ಲಾಪುರದ ಮಹಾಲಕ್ಷ್ಮಿಗೆ |

ಹಾಡುತ ಜಾಣೆಯರೆಲ್ಲರು|

ಆದಿ ನಾರಾಯಣ ಪ್ರಿಯಳಿಗೆ||ಪ||

ಪಿಲ್ಲೆ ಕಾಲುಂಗುರ ಲುಲ್ಲು ಪೈಜನರುಳಿ |

ಗಿಲ್ಲ ಗಿಲ್ಲೆಂದು ಹೆಜ್ಜೆಯನಿಡುತ ||

ಉಲ್ಲಾಸದಿಂದಲಿ ನಡುವಿಗೊಡ್ಯಾಣ |

ಪುಲ್ಲ ನಾಭನ ಪ್ರಿಯಳಿಗೆ ||೧||

ಜರದ ಪಿತಾಂಬರ ನಿರಿಗೆಗಳಲೆಯುತ |

ಝಗಝಗಿಯಿಂದ ಹೊಳೆಯುತಲಿ ||

ತೊಟ್ಟ ಕಂಚುಕವನು ಇಟ್ಟ ವಂಕಿಯ ತೊಡೆ |

ಬೆಟ್ಟದ ವೇಂಕೋಬನ ಮಡದಿಗೆ ||೨||

ಚೌರಿ ರಾಗುಟಿ ಗೊಂಡೆ ಹೆರಳು ಬಂಗಾರ |

ಬುಗಡಿ ವಾಲಿಗಳು ಹೊಳೆಯುತಲಿ |

ಸಡಗರದಿಂದ ಕುಡಿಯ ಕುಂಕುಮ ಹಚ್ಚಿ |

ಒಡೆಯ ವೇಂಕೋಬನ ಮಡದಿಗೆ ||೩||