|| ಗೋವಿಂದ ಸ್ತುತಿ ||
ರಚನೆ : ಶ್ರೀ ಮಹಿಪತಿ ದಾಸರು
ನಡಿರೆ ನಡಿರೆ ನೋಡುವ ಶ್ರೀಕೃಷ್ಣನ
ನಡಿರೆ ನಡಿರೆ ನೋಡುವ ॥ಪ॥
ನಡಿರೆ ನೋಡುವ ಬನ್ನಿ ತುಡುಗ ಶ್ರೀಕೃಷ್ಣನ
ಅಡಿಗಳಾಶ್ರಯ ಹಿಡಿವ ಮಂಡಲದೊಳು ॥ಅ.ಪ.||
ತುಡುಗತನದಿ ಬಂದು ಕಡಿದ ಬೆಣ್ಣೆಯ ಮೆದ್ದು
ಒಡನೆ ಗೋಪ್ಯೇರ ಕಾಡಿದ ನೋಡಮ್ಮ |
ಬಿಡದೆ ಕಾಳಿಂಗನ ಹೆಡೆಯ ಮೆಟ್ಟಿದ ನೋಡಿ
ತಡೆಯದೆ ಧುಮುಕಿದ ಮಡುವಿನೊಳು ರಂಗ ॥೧॥
ಕ್ರೀಡಿಸಿ ಗೋಪ್ಯೇರ ಉಡುಗೆ ಸೆಳೆದುಕೊಂಡು
ಒಡನೆ ಗಿಡವನೇರಿದ ನೋಡಮ್ಮ |
ಮಾಡಿದ ಮಣಿದ ಬಿಡದೆ ಬೇಡಿಸಿಕೊಂಡು
ಒಡನೆ ಉಡುಗೆ ನೀಡಿದ ನೋಡಮ್ಮ ॥೨॥
ಬಡವರಿಗಳವಲ್ಲ ಪೊಡವಿಯೊಳಗೆ ಇದು
ಆಡಿದಾನಂದದಾಟವ ನೋಡಮ್ಮ
ಹಿಡಿಯ ಹೋಗಲು ಮೂಢ ಮಹಿಪತಿಯ ನೋಡಿ
ಒಡಲ ಹೊಕ್ಕು ಕೂಡಿದ ಒಡೆಯನಮ್ಮ ॥೩॥
0 ಕಾಮೆಂಟ್‌ಗಳು