|| ಶಿವ ಸ್ತುತಿ ||
ಅಡವಿಯ ಶಿವನೆ ಬಡವಿಯು ನಾನು
ಬೇಡುವೆ ನಾ ನಿನ್ನ ಸಿರಿಯಾ ಬೇಡುವೆ ನಾ ನಿನ್ನ ||ಪ||
ಭಕ್ತಿಯ ಸಿರಿಯನ್ನು ನಿನ್ನ ಧ್ಯಾನದ ಸಿರಿಯನ್ನು
ಪೂಜಿಸುವ ಸಿರಿಯಾ ರಾಧಿಸುವಾ ಸಿರಿಯಾ ||1||
ನಿನ್ನಾ ಭಜನೆಯ ಮಾಡುತ ನನ್ನೆ ಮರೆಯುವ ಸಿರಿಯ
ನನ್ನೆ ಮರೆತು ನಿನ್ನಲ್ಲಿ ಒಂದಾಗುವ ಸಿರಿಯನ್ನು ||2||
ನಿಸ್ವಾರ್ಥದ ಸಿರಿಯನ್ನು ನಿತ್ಯಾನಂದದ ಸಿರಿಯನ್ನು
ನಿತ್ಯವೂ ನಿನ್ನ ಸೇವೆಯನ್ನು ಮಾಡುವ ಸಿರಿಯನ್ನು ||3||
ಜ್ಞಾನದ ಸಿರಿಯನ್ನು ವೈರಾಗ್ಯದ ಸಿರಿಯನ್ನು
ಗುರುದೇವ ನುಡಿದಂತೆ ನಡೆಯುವ ಸಿರಿಯನ್ನು ||4||
ಮೌನದ ಸಿರಿಯನ್ನು ಏಕಾಂತದ ಸಿರಿಯನ್ನು
ಎಲ್ಲೆಲ್ಲೂ ಇರುವ ನಿನ್ನ ನೋಡುವ ಸಿರಿಯನ್ನು ||5||
ಶ್ರೀ ರಕ್ಷೆಯ ಸಿರಿಯನ್ನು ನಿನ್ನ ಪ್ರೀತಿಯ ಸಿರಿಯನ್ನು
ಮಲ್ಲೇಶ ಗುರುವಿನ ಕರುಣೆಯ ಸಿರಿಯನ್ನು ||6||
0 ಕಾಮೆಂಟ್‌ಗಳು