ಜಪವ ಮಾಡಿದರೇನು ತಪವ ಮಾಡಿದರೇನು - Japava Madidrenu ತಪವ Madidarenu

|| ಕನಕದಾಸ ಕೃತಿ ||





ಜಪವ ಮಾಡಿದರೇನು ತಪವ ಮಾಡಿದರೇನು |

ಕಪಟ ಗುಣ ವಿಪರೀತ ಕಲುಷವಿದ್ದವರು ||ಜಪವ||


ಆದಿ ಗುರುವರ್ಯರೇ ಅತ್ತಲಿತ್ತಲು ತೊಳಲಿ |

ವೇದಶಾಸ್ತ್ರಗಳೋದಿ ಬಾಯಾರಲು |

ಆದಿಯನು ಕಾಣದಂತಿರುತಿದ್ದು ಫಲವೆಂದು |

ವಾದ ಕರ್ಮದೊಲಿದ್ದ ಭೇಧವಾದಿಗಳು ||ಜಪವ||


ನಡಿವ ಕಾಲದಿ ದಾನ ಧರ್ಮವನು ಮಾಡದೆ |

ಅಡವಿಯೊಳು ಕೆರೆ ತುಂಬಿ ಬತ್ತಿದಂತೆ |

ಮಡದಿ ಮಕ್ಕಳಿಗಿಂದು ಒಡವೆಗಳ ಗಳಿಸಿಟ್ಟು |

ತಿಳಿಯಲಾ ಯಮನವರ ಕಟ್ಟಿಗೊಳಗಾಗಿ ||ಜಪವ||


ಚಳಿಮಳಿ ಅತಿಕಾರ್ಗತ್ತಲೆಯೊಳಗಿದ್ದು |

ಇಳಿಮುಳುಗಿ ನದಿಯೊಳಗೆ ತಪವ ಮಾಡಿ |

ಕಳವಳಿಸಿ ನೂರೆಂಟು ತೊಳಲಿ ಬೀಳದೆ ಬೇಗ |

ನಳಿನಾಕ್ಷ ಆದಿಕೇಶವ ನೆನೆಮನವೆ ||ಜಪವ||


ಕಾಮೆಂಟ್‌‌ ಪೋಸ್ಟ್‌ ಮಾಡಿ

0 ಕಾಮೆಂಟ್‌ಗಳು