ಪೂಜೆ ಯಾತಕೋ ಮನುಜ - Pooje Yatako Manuja

||ಪುರಂದರ ದಾಸರ ದೇವರನಾಮ||

ಪೂಜೆ ಯಾತಕೋ, ಮನುಜ 

ಪೂಜೆ ಯಾತಕೋ ||ಪ |

ಪೂಜೆಯಲಿ ನಿನ್ನ ಮನ 

ನಿಲ್ಲದಿದ್ದ ಮೇಲೆ ನಿನಗೆ ||ಅ ||

ಭೂತದಯಾ ಪಶ್ಚಾತ್ತಾಪ ನೀತಿಯೆಂಬುದು 

ಮತ್ತಿಲ್ಲ ಮಾತಿನಲಿ ಜ್ಞಾನಿಯಲ್ಲ 

ಕೋತಿ ಬುದ್ಧಿ ಬಿಡಲಿಲ್ಲ ||

ಹಾಕುವುದು ಸಾಧುವೇಷ ಸಾಕುವುದು 

ಹಲವು ದೋಷ ಬೇಕೇ ನಿನಗೆ 

ಒಳ್ಳೆ ಪದ ಏಕೆ ಭ್ರಾಂತಿ ಉನ್ಮತ್ತ ||

ಪೂಜೆಯಲ್ಲಿ ಹೊಲೆಯನಿಸಿ 

ಜಾಜಿ ತುಳಸಿ ಕೈಯಲಿ

ಮೂರ್ಜಗದೊಡೆಯ ಅವನು ಎಲ್ಲಿ

ಮಾರ್ಜಾಲನಂತೆ ನೋಡದಲಿ ||

ಆಸೆಯನು ಬಿಡಲಿಲ್ಲ ಶೇಷಶಯನನ 

ಪೂಜೆಯೆಲ್ಲ ಗಾಸಿಬಟ್ಟು ಮಾಡುತಿಯಲ್ಲ

ಮೋಸ ಹೋಗದೆ ತಿಳಿಯೊ ಎಲ್ಲ ||

ತಂದೆ ಪುರಂದರವಿಠಲನ 

ಒಂದೆ ಮನದಿ ನೆನೆ ಅಣ್ಣಯ್ಯ

ಎಂದು ಕುಂದದ ಪದವನೀವ 

ನಂದ ನಂದನ ತಂದೆ ಕೃಷ್ಣ ||