|| ಹನುಮ ಭಜನೆ ||
ಅರಸಿನಂತೆ ಬಂಟನೋ ಹನುಮಂತರಾಯ ||
ದೊರೆಯಂತೆ ಸೇವಕನೋ ||
ಅರಸಿನಂತೆ ಬಂಟನೆಂಬುದು ನಿನ್ನೊಳು |
ಕುರುಹು ತೋರಿತು ಮೂರು ಲೋಕಕೆ ಹನುಮ ||
ಒಡೆಯನಂಬುಧಿಯೊಳು ಪೊಕ್ಕು ವೇದವ ತಂದು |
ತಡೆಯದೆ ಅಜಗಿತ್ತನೆಂದೆನುತ ||
ಸಡಗರದಿಂದ ಶರಧಿಯ ದಾಟಿ ಪೆರ್ಮುಡಿಯ
ಮಾಣಿಕವ ರಾಘವಗಿತ್ತೆ ಹನುಮ ||1||
ಮಂದರಧರ ಗೋವರ್ಧನ ಗಿರಿಯನು
ಲೀಲೆಯಿಂದಲಿ ನಿಂದು ನೆಗಹಿದನೆನುತ |
ಸಿಂಧು ಬಂಧನಕೆ ಸಮಸ್ತ ಪರ್ವತಗಳ
ತಂದು ನಳನ ಕೈಯೊಳಗಿತ್ತೆ ಹನುಮ ||2||
ಸಿರಿಧರ ವರ ಕಾಗಿನೆಲೆಯಾದಿಕೇಶವರಾಯನು |
ಸುರರಿಗಮೃತವನು ಎರೆದನೆನುತ ||
ಮೆರೆವ ಗಿರಿಯ ವಾಸ ಕಪಿಕೂಲ ಸೌಮಿತ್ರಿ |
ಗೆರೆದು ಶ್ರೀರಾಮನ ನಿಜದೂತನೆನಿಸಿದೆ ಹನುಮ
0 ಕಾಮೆಂಟ್‌ಗಳು