|| ಮಹಾಲಕುಮಿ ಭಜನೆ ||
ಕಮಲೆ ನಿನ್ನನು ಭಜಿಪೆ ಕಮನೀಯ ಗಾತ್ರೆ
ಸುಮನಸರ ಜನನಿ ನಿನ್ನ ಅಮಲಪದ ತೋರೆ||ಪ||
ಲೋಕಸುಂದರಿ ಎನ್ನ ಶೋಕಗಳ ತರಿದು ಅವ
ಲೋಕಿಸೆ ಕರುಣಮಯ ದೃಷ್ಟಿಯಿಂದ
ಏಕಮನಸು ನೀಡೆ ಶ್ರೀ ಕಳತ್ರನ ಪದದಿ
ನೀ ಕರುಣಿಸಿದನೆ ನನಗನೇಕ ಜನ್ಮದಲಿ || 1 ||
ಇಂದಿರೆ ನಿನ್ನ ಪತಿ ಸಂದರುಶನವನೆನಗೆ
ಎಂದೆಂದಿಗೆ ತೊಲಗದಂದದಲಿ ನೀಡೆ
ಒಂದನರಿಯೆನೆ ಈಗ ಬಂದೆನೇ ನಿನ್ನ ಬಳಿಗೆ
ನಂದಕಂದನ ತೋರಿ ಕುಂದು ಪರಿಹರಿಸೆ || 2 ||
ಗೋಪಾಲಕೃಷ್ಣವಿಠ್ಠಲನ ಹೃದಯದಿ ತೋರಿ
ಕಾಪಾಡೆ ಸತತದಲಿ ಕಾರುಣ್ಯಶಾಲಿ
ನೀ ಪಯೋಬ್ಧಿಯೊಳ್ ಕೈಪಿಡಿದೆ ಶ್ರೀ ಹರಿಯ
ರೂಪ ರೂಪಾಂತರದ ವ್ಯಾಪಾರ ತಿಳಿಸೆ |
0 ಕಾಮೆಂಟ್ಗಳು