|| ಪಾಂಡುರಂಗ ವಿಠಲ ಭಜನೆ ||
ಇಟ್ಟಿಗೆ ಮೇಲೆ ನಿಂತನಮ್ಮ ವಿಠಲ ತಾನು
ಪುಟ್ಟಪಾದ ಊರಿ ನಿಂತ ದಿಟ್ಟ ತಾನು || ಪ ||
ಪುಟ್ಟ ಪಾದ ಊರಿ ನಿಂತ ಗಟ್ಟಿಯಾಗಿ ನಿಂತನಮ್ಮ
ಟೊಂಕದ ಮೇಲೆ ಕೈಯ ಕಟ್ಟಿ
ಭಕ್ತರು ಬರುವುದ ನೋಡುವನಮ್ಮ ||ಅಪ||
ಪಂಢರ ಪುರದಲಿ ಇರುವನಂತೆ
ಪಾಂಡುರಂಗ ಎಂಬುವನಂತೆ
ಚಂದ್ರಭಾಗ ಪಿತ ಇವನಂತೆ
ಅರಸಿ ರುಕ್ಕಿಣೀ ಪತಿ ಇವನಂತೆ || ೧||
ಕನಕದಾಸೆ ಇವಗಿಲ್ಲವಮ್ಮ
ಹಣದ ಆಸೆ ಬೇಕಿಲ್ಲವಮ್ಮ
ನಾದಬ್ರಹ್ಮ ಎಂಬುವನಮ್ಮ
ಭಕುತರ ವಚನಕೆ ಕಾದಿಹನಮ್ಮ ।| ೨ ।|
ಕರಿಯ ಕಂಬಳಿ ಹೊದ್ದಿಹನಮ್ಮ
ಹಣೆಗೆ ನಾಮ ಹಚ್ಚಿಹನಮ್ಮ
ತುಳಸಿ ಮಾಲೆ ಹಾಕ್ಯಾನಮ್ಮ
ಪುರಂದರ ವಿಠಲ ಒಲಿದನಮ್ಮ ।| ೩ |।
0 ಕಾಮೆಂಟ್‌ಗಳು