||ಲಕ್ಷ್ಮಿ ಹಾಡು ||
ಬಾರಮ್ಮ ಮನೆಗೆ ಸೌಭಾಗ್ಯದ ಮಹಾಲಕ್ಷ್ಮಿ ||
ಬಾರಮ್ಮ ಮನೆಗೆ ವರಮಹಾಲಕ್ಷ್ಮಿ||
ಬಾರಮ್ಮ ಮನೆಗೆ ಭಕ್ತರು ನಿನ್ನ ಸ್ತುತಿಪರು
ಮಾರನಯ್ಯನ ಕೂಡಿ ಮನೆಗೆ ಹರುಷದಿ ಬೇಗ ||
ಶಂಖ ಚಕ್ರ ಗದಾ ಪದ್ಮವು ಧರಿಸಿದ
ಪಂಕಜಾಕ್ಷನ ಸಿರಿಪಟ್ಟದರಸಿ ದೇವಿ
ಕುಂಕುಮಾಂಕಿತೆ ಸರ್ವಾಲಂಕಾರ ಶೋಭಿತೆ
ಬಿಂಕಮಾಡದಲೆ ಬಾ ವೆಂಕಟನರಸಿಯೆ||೧||
ಶುಕ್ರವಾರದಿ ನಿನ್ನ ಭಕ್ತಿಲಿ ಸ್ತುತಿಪರ
ಇಷ್ಟಾರ್ಥಗಳ ಕೊಟ್ಟುದ್ಧರಿಪ ಭಾರ್ಗವಿ
ಭಕ್ತವತ್ಸಲನೊಡಗೂಡುತ ಬಾರಮ್ಮ
ಮಿತ್ರೇರು ಕರೆವರು ಕೃಷ್ಣವೇಣಿಯೆ ನಿನ್ನ||೨||
ಕನ್ನಡಿ ಕದುಪಿನ ಕಡು ಮುದ್ದು ಮಹಾಲಕ್ಷ್ಮಿ
ರನ್ನ ಪವಳ ಹಾರಾಲಂಕೃತ ಶೋಭಿತೆ
ಸ್ವರ್ಣಮಂಟಪದಿ ಕುಳ್ಳಿರು ಬಾರೆಂದೆನುತಲಿ ಕನ್ನೇರು
ಕರೆವರು ಕಮಲಾಕ್ಷನೊಡಗೂಡಿ||೩||
ನಿಗಮವೇದ್ಯಳೆ ನಿನ್ನಅಗಣಿತ ಗುಣಗಳ
ಪೊಗಳುವ ಸುಜನರ ಅಘ ಪರಿಹರಿಸುತ್ತ
ಬಗೆ ಬಗೆ ನಾಮಗಳಿಂದ ಪೂಜೆಯಗೊಂಬ
ಖಗವಾಹನನ ರಾಣಿ ಲಗುಬಗೆಯಿಂದಲಿ||೪||
ತಡಮಾಡದಲೆ ಬಾ ಬಾ ಮುಡಿದ ಹೂವು ಉದರುತ್ತ
ಬಡನಡು ಬಳುಕುತ್ತ ಕೊಡುತ ವರಗಳನು
ಬಿಡಿಮಲ್ಲಿಗೆಯ ತಂದು ನಡೆಮುಡಿ ಹಾಸುವರು
ಕಡಲೊಡೆಯನ ರಾಣಿ ಸಡಗರದಿಂದೊಮ್ಮೆ||೫||
ಕ್ಷೀರವಾರಿಧಿಯ ಕುಮಾರಿಯೆ ಬಾರೆಂದು
ಸಾರಸಮುಖಿಯರು ಸರಸದಿ ಕರೆವರು
ಮೂರ್ಲೋಕ ವಿಖ್ಯಾತೆ ಮಾರಮಣನ ಪ್ರೀತೆ
ಚಾರುಮಂಗಳೆ ಸತ್ಯಶ್ರೀಭೂದುರ್ಗಾಂಬ್ರಣಿ||೬||
ಕಮಲಾಕ್ಷಿ ಕೇಳಮ್ಮ ಶ್ರಮ ಪರಿಹರಿಸೆಂದು
ನಮಿಸಿ ಬೇಡುವೆ ನಿನ್ನ ಭ್ರಮರಕುಂತಳೆ ತಾಯೆ
ಕಮಲನಾಭ ವಿಠ್ಠಲನ ಕೂಡಿ
ಹರುಷದಿಸುಮನಸರೊಡೆನೆ
ಸತಿಸಾರ್ವಭೌಮಳೆ||೭||
0 ಕಾಮೆಂಟ್‌ಗಳು