|| ಶಿವ ಸ್ತುತಿ ||
ವೃಷಭನೇರಿದ ವಿಷಧರನ್ಯಾರೆ ಪೇಳಮ್ಮಯ್ಯ |
ಹಸುಳೆ ಪಾರ್ವತಿಯ ತಪಸಿಗೆ ಮೆಚ್ಚಿದ
ಜಟಾ ಮಂಡಲಧಾರಿ ಕಣಮ್ಮ ॥ ಪ ॥
ಕೈಲಾಸ ಗಿರಿಯ ದೊರೆಯಿವನಮ್ಮ |
ಅದು ಅಲ್ಲದೆ ಕೇಳೆ |
ಬೈಲು ಸ್ಮಶಾನದಿ ಮನೆಯಿವಗಮ್ಮ ಸಂಕರುಷಣನೆಂದು |
ಕೇಳೆ ಮಹಿಯೊಳು ಜನ ಪೊಗಳುವರಮ್ಮ
ಇದು ನಿಜವಮ್ಮ | |
ನಾಲಿಗೆ ಸಾಸಿರ ಫಣಿ ಭೂಷಣನಮ್ಮ,
ರಮೆಯರಸಗೆ ಇವ ಮೊಮ್ಮಗನಮ್ಮ ||೧||
ಬಾಲೆ ದಾಕ್ಷಾಯಿಣಿ ಪತಿ ಇವನಮ್ಮ ಮಾವನ ಯಾಗದಲಿ|
ಬ್ಹಾಳ ಕೃತ್ಯಗಳ ನಡೆಸಿದ ನಮ್ಮಸಾಗರದಲ್ಲಿ ಹುಟ್ಟಿದ|
ಕಾಳ ಕೂಟವ ಭಕ್ಷಿಸಿದನಮ್ಮ|ರಾಮನ ದಯವಮ್ಮ|
ಮೇಲೆ ಉಳಿಯಲು ಗರಳಶೇಷವು |
ನೀಲ ಕಂಠನೆಂದು ಎನಿಸಿದನಮ್ಮ || ೨ ||
ಹರನೊಂದಿಗೆ ವೈಕುಂಠಕೆ ಬರಲು ತಾತಗೆ ವಂದಿಸಲು|
ನಿನ್ನ ತರುಣಿ ರೂಪವ ನೋಡುವೆನೆನಲು ಹರಿ ತಾ ನಸು ನಗಲು |
ಕರೆದು ಸೈರಿಸಲಾರೆ ನೀ ಎನಲು | ಹಠದಿ ಕುಳ್ಳಿರಲು |
ಹರನು ಹಠದಿ ಕುಳ್ಳಿರಲು |
ಕರುಣಿಗಳರಸನು ಹರನ ಮನವ ನೋಡಿ
ಅರುಣೋದಯಕೆ ಬಾರೆಂದು ಕಳುಹಿದ ॥ ೩॥
ಅರುಣೋದಯಕೆ ಗಂಗಾಧರ ಬರಲು |
ಹದಿನಾರು ವರುಷದ ತರುಣಿರೂಪದಿ
ಹರಿ ವನದೊಳಗಿರಲು ಚರಣನಖಾಗ್ರದಿ
ಧರಣಿ ಬರೆಯುತ್ತಾ ನಿಂತಿರಲು ಸೆರಗ ಪಿಡಿಯ ಬರಲು
ಕರದಿ ಶಂಖ ಚಕ್ರ ಗಧೆ ತೋರಲು ಹರನು
ನಾಚಿ ತಲೆ ತಗ್ಗಿಸಿ ನಿಂತ ॥ ೪ ॥
ಮಂಗಳಾಂಗನೆ ಮಾರಜನಕನೆ ನಾ ಮಾಡಿದ ತಪ್ಪು
ಹಿಂಗದೆ ಕೃಮಿಸೋ ಯದುಕುಲ ತಿಲಕ ವರ್ಷದಳೊಪ್ಪುವ |
ನಿನ್ನಂಗನೆ ಮಹಿಯೊಳು ನಖ ಮಹಿ ಮಾಂಕ
ಹೀಗೆನುತಲಿ ತವಕ |
ರಂಗ ವಿಠಲನ ಪದಂಗಳ ಪಿಡಿದು
ಸಾಷ್ಕಾಂಗ ವೆರಗಿ ಕೈಲಾಸಕ್ಕೆ ನಡೆದ ॥ ವೃಷಭ ||
0 ಕಾಮೆಂಟ್‌ಗಳು