||ಪುರಂದರ ದಾಸರ ದೇವರನಾಮ||
ಕೃಷ್ಣ ಬಾರೋ ಬಾರೋ ಶ್ರೀ ಕೃಷ್ಣ ಬಾರೋ
ಕೃಷ್ಣಯ್ಯ ನೀ ಬಾರಯ್ಯಾ||ಪ||
ಸಣ್ಣ ಹೆಜ್ಜೆಯನಿಟ್ಟು ಗೆಜ್ಜೆ ನಾದಗಳಿಂದ
ಕೃಷ್ಣಾ ನೀ ಬಾರಯ್ಯ||ಅ.ಪ||
ಮನ್ಮಥ ಜನಕನೆ ಬೇಗನೆ ಬಾರೋ
ಕಮಲಾಪತಿ ನೀ ಬಾರೋ
ಅಮಿತಪರಾಕ್ರಮ ಶಂಕರ ಬಾರೋ
ಕಮನೀಯಗಾತ್ರನೆ ಬಾರಯ್ಯ ಹರಿಯೇ||೧||
ಸುರುಳು ಕೇಶಗಳ ಹೊಳೆವ ಅಂದ
ಭರದ ಕಸ್ತೂರಿ ತಿಲಕದ ಚೆಂದ
ಶಿರದಿ ಒಪ್ಪುವ ನವಿಲು ಕಂಗಳಿಂದ
ಥರಥರದಾಭರಣ ಧರಿಸಿ ನೀ ಬಾರೋ||೨||
ಹಾಲು ಬೆಣ್ಣೆಗಳ ಕೈಯಲ್ಲಿ ಕೊಡುವೆ
ಮೇಲಾಗಿ ಭಕ್ಷವ ಬಚ್ಚಿಟ್ಟು ತರುವೆ
ಜಾಲಮಾಡದೆ ಬಾರಯ್ಯ ನಿಶಾಹರಣ
ಬಾರೊ ಎನ್ನ ತಂದೆ ಪುರಂದರ ವಿಠಲ||೩||
0 ಕಾಮೆಂಟ್‌ಗಳು