ರಾಘವೇಂದ್ರ ರಾಘವೇಂದ್ರ ರಾಘವೇಂದ್ರ ಎನ್ನಿರಿ - Raghavendra Raghavendra Raghavendra Enniri

|| ರಾಘವೇಂದ್ರ ಸ್ತುತಿ ||

ರಾಘವೇಂದ್ರ ರಾಘವೇಂದ್ರ ರಾಘವೇಂದ್ರ ಎನ್ನಿರಿ

ನಾಮಸ್ಮರಣೆಯಿಂದ ನಿಜಾನಂದವನ್ನು ಹೊಂದಿರಿ

                                    ||ರಾಘವೇಂದ್ರ||

ತಂದೆ ತಾಯಿ ಬಂಧು ಬಳಗ 

ಎಲ್ಲ ನೀನೆ ಎನ್ನಿರಿ

ನಾನು ಎಂಬ ಮೋಹ ಮರೆತು 

ಎಂದೂ ಅವನ ನಂಬಿರಿ||ತಂದೆತಾಯಿ||

ಹೇಗೆ ಇರಲಿ ಎಲ್ಲೆ ಇರಲಿ...

ಅವನ ಸ್ಮರಣೆ ಮಾಡಿರಿ

ಧ್ಯಾನದಿಂದ ಮನವ ಸುಡುವ 

ಚಿಂತೆ ದೂರ ಮಾಡಿರಿ||ರಾಘವೇಂದ್ರ||

ಮಾನ ಪ್ರಾಣ ಧನವು ಎಲ್ಲ 

ಸ್ವಾಮಿ ನಿನ್ನದೆನ್ನಿರಿ

ಗುರುವೆ ನಿನ್ನ ಕರುಣೆಯೊಂದೆ 

ಸಾಕು ನನಗೆ ಎನ್ನಿರಿ||ಮಾನಪ್ರಾಣ||

ಕಲ್ಲು ಮುಳ್ಳೊ ಸಿಡಿಲೊ ಮಳೆಯೊ 

ಅವನ ಕರುಣೆಯೆನ್ನಿರಿ

ಏನೇ ಬರಲಿ ಅವನದೆಂದು 

ನಂಬಿ ಮುಂದೆ ನಡೆಯಿರಿ||ರಾಘವೇಂದ್ರ ||

ನಿಮ್ಮ ಮನೆಯ ನಿಮ್ಮ ಮನದ

ವಿಷಯವೆಲ್ಲ ಬಲ್ಲನು

ಚಪಲದಿಂದ ಅಲೆವ ಮನದಲೆಂದು 

ಗುರುವು ನಿಲ್ಲನು||ನಿಮ್ಮ ಮನೆಯ||

ಕೊಡುವುದೆಲ್ಲ ಕೊಡುವನವನು 

ಇನ್ನು ಆಸೆಯೇತಕೆ

ಕಲ್ಪವೃಕ್ಷದಂತೆ ಗುರುವು 

ಇರಲು ಚಿಂತೆಯೇತಕೆ||ರಾಘವೇಂದ್ರ||

ಪೂಜ್ಯಾಯ ರಾಘವೇಂದ್ರಾಯ

ಸತ್ಯಧರ್ಮವ್ರತಾಯಚ

 ಭಜತಾಂ ಕಲ್ಪವೃಕ್ಷಾಯ

ನಮತಾಂ ಕಾಮಧೇನುವೆ