|| ರಾಮ ಭಜನೆ ||
ರಚನೆ: ವಿದ್ಯಾಪ್ರಸನ್ನತೀರ್ಥರು
ರಾಮ ಭಜನೆ ಮಾಡೋ
ರಾಮ ಭಜನೆ ಮಾಡೋ ಮನುಜಾ
ರಾಮ ಭಜನೆ ಮಾಡೋ || ಪ ||
ರಾಮ ರಾಮ ಜಯ ರಾಘವ ಸೀತಾ
ರಾಮನೆಂದು ಸುಸ್ವರದಲಿ ಪಾಡುತ
ರಾಮ ಭಜನೆ ಮಾಡೋ ಮನುಜಾ
ರಾಮ ಭಜನೆ ಮಾಡೋ || ಅ.ಪ ||
ತಾಳವನು ಬಿಡಬೇಡ ಮೇಳವನು ಮರೆಬೇಡ
ತಾಳಮೇಳಗಳ ಬಿಟ್ಟು ನುಡಿದರೆ
ತಾಳನುನಮ್ಮ ಇಳಾಸುತೆಯರಸನು
ರಾಮ ಭಜನೆ ಮಾಡೋ ಮನುಜಾ
ರಾಮ ಭಜನೆ ಮಾಡೋ || ೧ ||
ಚಿತ್ತವನು ಚಲಿಸದಿರು ಭೃತ್ಯ ಮನೋಭಾವದಲಿ
ಸತ್ಯ ಜ್ಞಾನ ಅನಂತ ಬ್ರಹ್ಮನು
ಹೃದ್ಗತೆನೆಂದರಿಯುತ ಭಕುತಿಯಲಿ
ರಾಮ ಭಜನೆ ಮಾಡೋ ಮನುಜಾ
ರಾಮ ಭಜನೆ ಮಾಡೋ || ೨ ||
ಭಲರೆ ಭಲರೆಯೆಂದು ತಲೆದೂಗುವ ತೆರದಿ
ಕಲಿಯುಗದಿ ವರ ಕೀರ್ತನೆಯಿಂದಲಿ
ಸುಲಭದಿ ಹರಿಯ ಪ್ರಸನ್ನತೆ ಪಡೆಯಲು
ರಾಮ ಭಜನೆ ಮಾಡೋ ಮನುಜಾ
ರಾಮ ಭಜನೆ ಮಾಡೋ || ೩ ||
0 ಕಾಮೆಂಟ್‌ಗಳು