|| ಲಕ್ಷ್ಮಿ ಹಾಡು ||
ಸುಂದರವದನೆ ರಂಗನ ಮಡದಿ
ಕುಂದದ ಭಾಗ್ಯವ ನೀಡುವೆ ತಾಯೆ|
ಕಂಡೆನೊ ಹರಿ ಸತಿಯ|
ಸುರು ಚಿರ ದುಂಡು ಕಂಕಣ ಕೈಯ್ಯಾ||
ಮಂಡೆಯೊಳ್ ಮಲ್ಲಿಗೆಯ|
ಹೆರಳಲಿ ದಂಡೆ ಮುಡಿದ ಪರಿಯ ||
ಪೈಠಣಿ ಉಟ್ಟಿಹಳು
ಗಳದಿ ಕಟ್ಟಾಣಿಯ ಕಟ್ಟಿಹಳು
ಹಾಟಕ ಹಾರಗಳು ನೋಳ್ಪರ ನೋಟಕೆ ಹಬ್ಬಗಳು ||1||
ಕಾಲಕಡಗ ರುಳಿಯು ಕಲಕಲ ಹೇಮ ಪೈಜಣ ಧ್ವನಿಯು
ಮೇಲೆ ಅಂಚಿನ ಸಿರಿಯು ಪುತ್ಥಳಿ
ಮಾಲೆ ತೂಗುವ ಕಟಿಯು ||2||
ಸರಸಿಜ ಸಮಮುಖಿಯ ನಾಶಿಕ್ಹರಳು ಮುತ್ತಿನ ಗೊನೆಯು|
ಹರಳು ಓಲೆಯ ಪ್ರಭೆಯು ಕರ್ಣದಿ
ಸ್ವರ್ಣಲೋಕದ ದ್ರಾಕ್ಷಾಲತೆಯು ||3||
ಸುಂದರ ಶುಭಗಾತ್ರೆ ಸುಖಮಯ ಇಂದು ಮುಖಿಯ ನೇತ್ರೆ
ಮುಂದೆ ಫಲದ ಪಾತ್ರೆ
ತಂದಿಟ್ಟಳು ಸರಸಿಜಳ ನೇತ್ರೇ ||4||
ನಂದಬಾಲನ ಮಡದಿ
ಸ್ವಪ್ನದಿ ಬಂದು ತೋರಿದೆ ಭರದಿ|
ಆನಂದವಾಯ್ತು ಮನದಿ|
ನಾಕಂಡೆನು ಇಂದಿರೇಶನ ದಯದಿ ||5||
0 ಕಾಮೆಂಟ್‌ಗಳು