|| ರಾಘವೇಂದ್ರ ಭಜನೆ ||
ಬಾರೋ ಗುರು ರಾಘವೇಂದ್ರ
ಬಾರಯ್ಯಾ ಬಾ ಬಾ
ಹಿಂದು ಮುಂದಿಲ್ಲನಗೆ ನೀ ಗತಿ ಎಂದು
ನಂಬಿದೆ ನಿನ್ನ ಪಾದವ |ಪ|
ಬಂಧನವ ಬಿಡಿಸೆನ್ನ ಕರಪಿಡಿ
ನಂದಕಂದ ಮುಕುಂದ ಬಂಧೋ |ಅ.ಪ|
ಸೇವಕನೇಲೊ ನಾನು ಧಾವಿಸಿ ಬಂದೆನೊ
ಸೇವೇಯ ನೀಡೊ ನೀನು ಸೇವಕನ ಸೇವೆಯನು ಸೇವಿಸಿ
ಸೇವ್ಯ ಸೇವಕ ಭಾವವಿಯುತ ಠಾವು ಗಾಣಿಸಿ ಪೊರೆಯೊ
ಧರೆಯೊಳು ಪಾವನಾತ್ಮಕ ಕಾಯ್ವ ಕರುಣೆ ||೧||
ಕರೆದರೇ ಬರುವಿಯೆಂದು ಸಾರುವುದು ಡಂಗುರ
ತ್ವರಿತದಿ ಒದಗೋ ಬಂದು ಜರಿಯಬೇಡವು ಬರಿದೆ
ನಿಮ್ಮಯ ವಿರಹ ತಾಳದೆ ಮನದಿ ಕೊರಗುವೆ
ಹರಿಯ ಸ್ಮರಣೆಯ ನಿರುತದಲಿ ಎನ್ನ
ಹರುಷದಲಿ ನೀ ನಿರುತ ಕೊಡುತಲಿ ||೨||
ನರಹರಿ ಪ್ರಿಯನೆ ಬಾ ಗುರುಶೇಷವಿಠಲನ
ಕರುಣ ಪಾತ್ರನೆ ಬೇಗ ಬಾ ಗುರುವರನೆ ಪರಿಪೋಷಿಸೆನ್ನನು
ಮರೆಯದಲೆ ತವಚರಣ ಕೋಟೀಯ -ಲಿರಿಸಿ
ಚರಣಾಂಬುಜವ ತೋರುತ ತ್ವರಿತದಲಿ ಓಡೋಡಿ ಬಾ ಬಾ ||೩||
0 ಕಾಮೆಂಟ್‌ಗಳು